JEREMIAH 48:16 - Lai (Hakha) Common Language Bible 2006

¹⁶ Moab tluknak ding cu a phan cuahmah cang, A rawknak ding cu a nai ko cang.

JEREMIAH 48:16 ပူးပေါင်းရင်းမြစ်များ

PHUNGTHLÛKBIA 7:23

Nengpi, rap ah aa foihmi bantuk, vate rap coktarh a vun zuanhnawhmi bantuk, a si; ka nunnak a ka hlotu a si lai, ti kha a hngal lo.

ISAIAH 13:22

Innsang hna le bawi inn nuamnuam ah khan cenghngia aw le ramui awnh thawng lawng a leng ko lai. Babilon cu a caan a phan cang! A ni cu a dih dengmang cang,” a ti.

JEREMIAH 1:12

Cun kei nih, “Tuan tein a parmi almond kung ka hmuh,” tiah ka ti. “Na hmaan, zeitintiah kaa tinhmi kha tlinter awkah tuan tein ka tho,” tiah a ti.

EZEKIEL 12:23

Annih cu thawh hna law mah hihi Bawipa Pathian bia a si, tiah chim hna: Hi phungthluk bia hi ka donghter cang lai; Israel ram chungah theih a si ṭhan bal ti lai lo, a ti. Cun annih cu, ‘Cu caan cu a nai ngaingai cang i langhnak cu a tling taktak lai,’ tiah chim hna, a ti.

EZEKIEL 12:28

Cucaah hihi Bawipa Pathian bia a si tiah chim hna: Ka bia cu pakhat hmanh kha a rau lai lo i ka chim lio hmanh ah hin tuah a si lai. Mah hihi Bawipa Pathian bia hrimhrim a si,” tiah a ti.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.