JEREMIAH 48:14 - Lai (Hakha) Common Language Bible 2006

¹⁴ “Moab mi hna, zeitindah nannih nih, Kannih cu ralṭha le ralkap ṭhawng kan si,” nan ti khawh?

JEREMIAH 48:14 ပူးပေါင်းရင်းမြစ်များ

SALM 11:1

Ka himnak dingah Bawipa cu kaa bochan. Nang nih naa thawh i, “Va bantukin tlang ah zuang tuah,

SALM 33:16

Siangpahrang nih a ral a tei hna cu ralkapbu ṭhawngmi a ngeih caah a si lo ralkap nih a ral a tei cu a thazang a ṭhawn caah a si lo.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

ISAIAH 10:13

Assiria siangpahrang nih cun aa thawh i, “Hi vialte hi keimah tuahmi an si dih. Kei cu ka ṭhawng, ka fim, i a zer zong ka zer. Ram khat le ram khat karlak i ramri cu ka hloh dih hna i an i khonmi thilri cu ka chuh dih hna. Cuka i khua a sami hna cu cawtum bantukin ka naan hna.

ISAIAH 10:16

Atu i khim lirliar in rawl a eimi hna cungah Bawipa nih rai a tlunter lai. An takpum chungah khan mei bantukin a kang pengmi a um lai.

ISAIAH 16:6

Judah mi nih an i thawh i, “Moab mi cu miporhlaw ngaingai an si kha kan theih. Miruamkai, mizum an si kha kan hngalh, sihmanhsehlaw an tluangkhawnnak cu pakpalawng an si,” an ti.

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

JEREMIAH 8:8

Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

EZEKIEL 30:6

Mah hihi Bawipa bia cu an si: Izipt a bawmmi paoh cu an tlu lai i Izipt nih aa uanthlarmi a thazang cu ṭhumh a si lai; Migdol in Saien tiang vainam in mi an thi lai. Hihi Bawipa Pathian bia hrimhrim a si, a ka ti.

ZEFANIAH 2:10

Ralkapbu Bawipa mi kha an serhsat hna i an zawmhtaih hna caah, mah hihi an i porhlawtnak lehrulhnak cu a si lai.