JEREMIAH 48:10 - Lai (Hakha) Common Language Bible 2006

¹⁰ Daithlang in Bawipa rian a ṭuanmi cu chiat ko seh! Thisen chuah awkah a nam a hmang duh lomi cu chiat ko seh!

JEREMIAH 48:10 ပူးပေါင်းရင်းမြစ်များ

1 SIANGPAHRANG 20:39

Cun siangpahrang cu a lanhpah ah khin siangpahrang cu a hei auh i, “Na salpa hi raltuknak hmunpi ah ka va kal i, zohhmanh, ralkap pakhat cu ka sinah a ra i mipa pakhat a rak put i, ‘Hi mipa hi zohkhenh tuah; zei maw tiin a loh sual a si ahcun, na nunnak cu a nunnak caah a si lai, asiloah, ngun talen pakhat na liam lai,’ a ti.

1 SIANGPAHRANG 20:40

Cun na salpa cu khika, hika, i hnahnawk luri ngaiin ka um lioah, a rak kal diam ai,” tiah a ti. Israel siangpahrang nih cun a thawh i, “Na cung i biakhiahnak cu cu bang cun a si ko lai; nangmah nih pei naa khiah cang ko cu,” tiah a ti.

1 SIANGPAHRANG 20:42

Cun anih nih a thawh i, “Hi bangin Bawipa nih, ‘Hrawh awkah kan pekchanh ciami kha nangmah nih na kut chungin na luatter caah, cucaah a nunnak caah na nunnak a kal lai i a mi hna caah na mi an si lai,’ a ti,” tiah a ti.

2 SIANGPAHRANG 13:19

Cun Pathian mi cu a cungah a thin a hung i, “Voi nga, voi ruk in pei na tuk awk a si cu, cu ti na tuah ahcun Siria mi cu an dongh cikcek hlantiang na tei hna hnga, sihmanhsehlaw atu cu Siria mi kha voi thum tiang lawng na tei hna lai,” tiah a ti.

JEREMIAH 11:3

Mah hihi Bawipa, Israel Pathian bia an si, tiah va chim hna.

JEREMIAH 47:6

Nannih nih, ‘Bawipa vainam, zei can dah na kan sam len ko rih lai? Na kawng ah vaa sawh law khika ah vaa din ko!’ nan ti.

JEREMIAH 47:7

Sihmanhsehlaw zeitindah rianṭuan awk ka pek tikah hin aa dinh khawh lai? Amah cu Ashkelon khua i a ummi hna le rili kam i a ummi hna kha tuk awkah nawl ka pek cang, tiah a ti.

JEREMIAH 50:25

Bawipa nih a ralthuam chiahnak cu a hun i a thinhunnak hriamnam kha a chuah hna, Zeicahtiah Ralkapbu Bawipa nih Khaldi mi hna ram ah ṭuan awk rian pakhat a ngeihmi cu hihi a si.

JEREMIAH 50:27

A ralkap cu that dih hna u, thahnak hmun ah vun kalpi hna u. An caah ngaihchia a va si dah! An ni, an dantat caan cu a phan cang.

JOSHUA 10:19

sihmanhsehlaw cuka ah cun nannih cu um hlah u, nan ral kha dawi hna u, an hnu dawn pawl kha tlak phuat hna u, an khua chungah khan luhter hrimhrim hna hlah u; zeitintiah Bawipa nan Pathian nih annih cu nan kut chungah an pek cang hna,” tiah a ti.

BIACEIHTU 5:23

“Meroz cu chiat serh tuah, tiah Bawipa vancungmi nih a ti, A chungah a ummi hna cu fak piin chiat serh tuah hna, Zeicahtiah Bawipa bawmh awkah an ra lo, A ṭhawngmi doh ah khan Bawipa kha bawmh awkah an ra lo.

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

1 SAMUEL 15:9

Sihmanhsehlaw Saul le mi hna nih khan Agag le tuu lak i a ṭha bik hna le cawtum lak i a ṭha bik hna le cenhmi saṭil thauthau hna lakin a ṭha bik hna le, tuufa hna le a ṭhami vialte kha an zuah hna i an hrawk cikcek duh hna lo; a ṭhalo le santlailo vialte lawng kha an hrawh cikcek hna.