JEREMIAH 47:6 - Lai (Hakha) Common Language Bible 2006

⁶ Nannih nih, ‘Bawipa vainam, zei can dah na kan sam len ko rih lai? Na kawng ah vaa sawh law khika ah vaa din ko!’ nan ti.

JEREMIAH 47:6 ပူးပေါင်းရင်းမြစ်များ

2 SAMUEL 2:26

Cun Abner nih Joab kha a hei auh i, “Zungzal in maw mah le mah hi kan i doh ko lai! A donghnak cu a fak lai tiah na hngal ko lo maw? Na mi hna cu, nan unau hna dawi hi ngol cang u, tiah zeitik ah dah na ti hna lai,” tiah a ti.

1 CHANRELNAK 21:27

Cun Bawipa nih vancungmi kha nawl a pek i a vainam cu a kawng chungah a sawh ṭhan.

SALM 17:13

Maw Bawipa, ra law ka ral hi do hna law tei hna! Miṭhalo hna kut chung hin na vainam in ka chanh tuah,

ISAIAH 10:15

Sihmanhsehlaw Bawipa nih, “Hrei-tlung nih a hmangtu nakin ka ngan deuh a ti kho maw? Hluah cu a hmangtu nakin a biapi deuh maw? Thingtan nih mi cu a phorh ṭung hna lo, mi nih pei thingtan cu an phorh cu,” tiah a ti.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

JEREMIAH 12:12

Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

JEREMIAH 15:3

“An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.

JEREMIAH 25:27

Annih cu na thawh hna lai i, ‘Hi ti hin Ralkapbu Bawipa, Israel Pathian nih a ti: Hihi ding u, ri u law lua u; nan lak i ka thlah dingmi vainam hmaiah hin tho ti lo dingin tlu u,’ na ti hna lai.

JEREMIAH 4:21

Zei can dah alan cu thlai a si kha ka hmuh peng ko lai i Muko aw thawng cu ka theih lai?

JEREMIAH 48:10

Daithlang in Bawipa rian a ṭuanmi cu chiat ko seh! Thisen chuah awkah a nam a hmang duh lomi cu chiat ko seh!

JEREMIAH 50:35

Khaldi mi hna le Babilon i a ummi hna le an bawi hna le an mifim hna cungah vainam aa thlai ko, tiah Bawipa nih a ti.

EZEKIEL 14:17

Asiloah, cu ram ah cun vainam kha tlunter ning law cu vainam cu ram chung dihlak ah khan kal in minung le saṭil kha that hna tiah nawl pe ning law,

EZEKIEL 21:30

“Vainam cu a kawng chungah sawh ṭhan u. Nannih cu ser nan sinak hmun ah khan bia kan ceih hna lai. Hrin nan sinak ram ah khan kan ceih hna lai.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

JOHAN 18:11

Jesuh nih Peter cu a thawh i, “Na nam kha a kawng ah sawh ṭhan. Ka Pa nih a ka pekmi hrai, nganfah innak hrai cu ding loin a um hnga ti ah maw na ka ruah?” tiah a ti.

BIACEIHTU 7:20

Cun phu thum hna nih khan muko kha an tum i thawl kha an khuai hna, an kehlei kut in meifar kha an i put i an orhlei kut in tum awk muko kha an i put; cun, “Bawipa ca le Gideon caah vainam pakhat!” tiah an au.