JEREMIAH 47:3 - Lai (Hakha) Common Language Bible 2006

³ An rangtum hna tin khawn thawng cu ngai hmanh! An rangleng hna an rung choi cukmak thawng le an rangleng ke rilh thawng cu! Pale nih an fale caah zeihmanh an ruat kho ti lo; An kut nih zeihmanh a tuah kho ti lo.

JEREMIAH 47:3 ပူးပေါင်းရင်းမြစ်များ

ISAIAH 5:28

An cantiang cu a har ngaingai i an likuk cu i kuai pengpung in an um. An rang cu an tin kha ṭeklung bantukin an hak, an rangleng kekual hna cu phuchim herh in an i herh.

JEREMIAH 46:9

Maw rangcung ralkap hna, nam u, Maw rangleng hna, nan biatak chuah u! Ralkap bu, hmaiah fong tuah u; Ethiopia mi hna le phaw aa putmi Put mi hna. Likuk hruai cia in aa tlaihmi Lidia mi hna, chuak tuah u.

JEREMIAH 50:42

Li le vainam kha an i bei, Mipuar ngai, zaangfahnak ngei lomi an si. Rangtum kha an i cit hna i an thawng cu rili thawng bantuk a si; Annih cu nangmah doh awk i aa tiangmi an si, maw Babilon.

JEREMIAH 8:16

An rangtum hna hnarphit thawng cu Dan in theih a si, An rangtum tildit lo hna awnh thawng ah vawlei cu a ning piin aa hnin. Ral cu an ra i ram cu a chung i a ummi thil vialte he khan an ei dih, Khuapi le a chung i a ummi hna zong, an hrawh dih hna.

EZEKIEL 23:24

Nangmah cu raltuknak rang le rangleng le thilphorhnak leng he an in fuh lai, miphun kip chungin lakmi ralkap hna, phawpi le phawte le dar luchin aa chinhmi hna he cun an in fuh lai; a kenkiplo in an in dum lai. Biaceihnak nawl ka pek hna lai i cu nawl cu nangmah cungah cun an hman lai.

NAHUM 2:4

Raltuknak rang hna nih cun a bubu in khualipi cu an hun nam lulhmalh; Khua pawngri ah cun pakhat le pakhat kha an i eng, Meifar tom lekmi bantuk khi an si;

NAHUM 2:8

Cun Nineveh cu tidil bantuk ah a cang, A velchum i a ummi ti a zor lengmangmi bantuk kha a si cang. “Dir tuah, dir tuah,” tiah an au, sihmanhsehlaw pakhat hmanh an i mer lo.

BIAPHUAN 9:9

An ṭang ah thir angki bantuk an i aih i an thla khawn thawng cu, raltuknak hmun ah a le cutmatmi rangleng tampi thawng bantuk a si.

BIACEIHTU 5:22

“Khi tikah rangtum ke thawng cu, A rangtum ṭhawng hna an i chaih len thawng he, Fak piin a thang.