JEREMIAH 46:6 - Lai (Hakha) Common Language Bible 2006

⁶ Khulrangmi kha an luat kho maw? Ralkap zong kha an i khamh kho maw? Chaklei ah Zufrates tiva kamah an ril i an tlu.

JEREMIAH 46:6 ပူးပေါင်းရင်းမြစ်များ

2 SIANGPAHRANG 23:29

Amah chan ah cun, Izipt siangpahrang Faro Neko cu Assiria siangpahrang sinah Zufrates tiva ah a hung kal. Josiah Siangpahrang cu amah ton awkah khan a kal; cun a rak hmuh tikah Faro Neko nih cun Megiddo ah a rak thah.

2 SIANGPAHRANG 24:7

Izipt siangpahrang cu a ram chungin a chuak ti lo, zeicahtiah Babilon siangpahrang nih Izipt siangpahrang ta a simi vialte Izipt tivate thawk in Zufrates tiva tiang, a lak dih.

SALM 27:2

Miṭhalo nih an ka doh i thah an ka zalh tikah, an ril tawn i an tlu tawn.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

ISAIAH 8:15

Mi tampi an i chuih lai i an ril lai. An tlu lai i an kuai cikcek lai. An i foih lai,” a ti.

JEREMIAH 1:14

Cun Bawipa nih a ka thawh i, “Hi ram chung i a ummi vialte hna cungah chaklei in ṭhat lonak a rung tlung lai.

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 4:6

Zion lei lam cu hmuhsak hna u! Himnak hmun leiah khan le u! Rau hlah u! Bawipa nih chaklei in ṭhat lonak le rawknak nganpi a rak put lio.

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

JEREMIAH 46:12

Miphun hna nih na aunak kha an theih i, Vawlei cu na kiaonak khan a khat. Ralkap cu pakhat le pakhat an i pah i an pahnih in hmun khat ah an ril.

JEREMIAH 46:16

Izipt mizapi hna cu an ril i an tlu, pakhat le pakhat an i pah dih; ‘Tho tuah, kanmah mi hna sinah khan, kan chuahnak ram ah khan kir u sih, Hremtu vainam hi zamtak u sih,’ tiah an i ti.

JEREMIAH 50:32

Lungpuammi miphun cu a ril lai i a tlu lai, Amah a tungtu ding ahohmanh an um lai lo; A khua cu mei in ka khangh lai i a velchum i a ummi thil vialte cu a kangh dih hna lai.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

DANIEL 11:19

Amah ralhau chung lila ah khan a kir ṭhan lai i khika ah sunghnak kha a tong lai i cucu a donghnak a si lai.

DANIEL 11:22

Amah a dohtu ralkapbu kha a tei thluahmah hna lai i Pathian tlangbawi hmanh kha a hloh lai.