JEREMIAH 46:5 - Lai (Hakha) Common Language Bible 2006

⁵ Sihmanhsehlaw ka hmuhmi hi zeidah a si kun? An hnabei a dong i hnulei ah an i mer, An ralkap hna cu an ṭhuat chih len hna i rianrang in an zam; Hnulei i her hleng loin an le dih. Ṭihnung cu thlah a si cang, tiah Bawipa nih a ti.

JEREMIAH 46:5 ပူးပေါင်းရင်းမြစ်များ

GENESIS 19:17

Cun khua chungin an chuahpi dih hna hnuah khan vancungmi pakhat nih cun aa thawh i, “Nan nun nakhnga tli u! Hnulei zoh hlah u, nelrawn chungah dircon hlah u. Tlang ah tli u law nan thi lai lo,” a ti hna.

ISAIAH 13:8

An dihlak in therphang in an um lai i nau nganfah a ingmi nu bantukin fahnak nih a tei hna lai. Pakhat le pakhat kha an i zoh tikah an i ṭih lai i an hmai thi khal a chuak ciocio lai.

ISAIAH 19:16

Izipt mi cu nu bantukin an ral a chiat caan a phan lai. Ralkapbu Bawipa nih anmah dantat awkah a kut a samh kha an hmuh tikah a ther in an ther lai.

ISAIAH 42:17

Siasal aa bochanmi vialte le milem cu kan pathian a si tiah a timi vialte cu ningzak le hmaichia in an um lai,” a ti.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 46:15

Zeicahdah Apis cu a zam? Zeicahdah nangmah an cawmtu pathian cu fek tein a dir lo? Bawipa nih lengah a nam cang.

JEREMIAH 46:21

A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

JEREMIAH 49:29

An thlam hna le an tuurun hna le an puanzar hna le an thilri vialte kha chut dih hna u, An kalauk zong kha kalpi hna u law, Mi cu, ‘Nan velchum in ṭihnung a um,’ tiin chim hna u.

JEREMIAH 49:5

Zohhmanh, a kenkip in nan cungah ṭihnung ka tlunter lai i A ping i a zammi kha a pumkhawltu ding ahohmanh um loin nan dihlak in i comcawroi loin nan zam lai.

JEREMIAH 6:25

Lo ah kal hlah u, lam zongah i chawk hlah u, Zeicahtiah ral cu vainam i put in a kenkip ah aa chawk ko.

EZEKIEL 32:10

Nan cung i a tlungmi thil hin mi tampi kha an khuaruah ka harter hna lai; an siangpahrang hna hmaika ah ka vainam kha ka lek tikah an hmulthi a ling dih lai. Na tluk ni ah cun an cung i a tlung ding ciomi thil ruangah khan an ther lengmang ko lai.

EZEKIEL 39:18

ralkap hna sa kha ei u law vawlei cung bawi hna thi kha ding tuah u; hi mi vialte hi Bashan tuukawng hna le tuu hna le mehehtum hna le cawtum hna le naatum hna cu an si.

NAHUM 2:8

Cun Nineveh cu tidil bantuk ah a cang, A velchum i a ummi ti a zor lengmangmi bantuk kha a si cang. “Dir tuah, dir tuah,” tiah an au, sihmanhsehlaw pakhat hmanh an i mer lo.

NAHUM 2:9

Hranchaw cu an lak hna, ngun le sui hranchaw hna cu; Thil an rak khonmi cu dongh a thiam lo, minung nih an duhmi thil man fak bikbik nih a phak lomi rothil an si.

ZEFANIAH 1:14

Bawipa ni a liannganmi cu a nai cang, khulrang in a ra lio; Cu ni a thawngpang cu a khaat in a kha, ralkap ralṭha bik hmanh lungdong in an au.