JEREMIAH 46:21 - Lai (Hakha) Common Language Bible 2006

²¹ A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

JEREMIAH 46:21 ပူးပေါင်းရင်းမြစ်များ

2 SAMUEL 10:6

Ammon mi hna nih annih cu David huat kan phor cang ti kha an theih tikah, Ammon mi hna nih cun mi an hei thlah hna i Beth-rehob i Siria mi hna le Zobah i Siria mi hna, ke ralkap sang hnih le Maakah ram siangpahrang le a mi thong khat, cun Tobram mi sang khat le thong hnih kha an i ruaih hna.

2 SIANGPAHRANG 7:6

Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

SALM 37:13

Sihmanhsehlaw Bawipa nih cun miṭhalopa cu a nihsawh men ko, zeicahtiah luklak ah a rawh lai kha a hngalh.

PHUNGTHLÛKBIA 15:17

Dawtnak aa telnak zanriah cu an hringso he lawng hmanh siseh law, a thaumi caw sa in tuahmi zanriah, huatnak aa telmi nakin a ṭha deuh.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

ISAIAH 34:7

Mi cu cawtum hrang le cawtum no bantukin an thi lai i vawlei cu thisen nih a ciah in a ciah lai i thau nih a khuh lai.

JEREMIAH 18:17

Nichuahlei thli bantukin annih cu an ral hna hmaiah ka ṭhek dih hna lai, An ṭumchuk ni ah ka hmailei chit loin ka hnulei tu ka chit hna lai, a ti.

JEREMIAH 46:22

Izipt cu ral nih an fuh caah a zam i rul awnh in a awn; Mi nih thing an hau bantukin hreitlung he an tuk.

JEREMIAH 46:5

Sihmanhsehlaw ka hmuhmi hi zeidah a si kun? An hnabei a dong i hnulei ah an i mer, An ralkap hna cu an ṭhuat chih len hna i rianrang in an zam; Hnulei i her hleng loin an le dih. Ṭihnung cu thlah a si cang, tiah Bawipa nih a ti.

JEREMIAH 46:9

Maw rangcung ralkap hna, nam u, Maw rangleng hna, nan biatak chuah u! Ralkap bu, hmaiah fong tuah u; Ethiopia mi hna le phaw aa putmi Put mi hna. Likuk hruai cia in aa tlaihmi Lidia mi hna, chuak tuah u.

JEREMIAH 48:44

Ṭihnung chungin a zam khomi kha khor chungah a tla lai, Cun khor chungin a chuak khomi kha rap ah aa foih lai. Hi thil vialte hna hi dantatnak an hmuh kum ah Moab cungah ka tlunter lai, tiah Bawipa nih a ti.

JEREMIAH 49:8

Dedan khuami hna cu an i mer i an zam i lamhlapi ah an i thup; Zeicahtiah Esau tefa hna cu ka hrawh cang hna lai, An cung i dantatnak ka tlunter caan kha a phan cang.

JEREMIAH 50:11

Babilon mi hna, nanmah nih ka miphun kha nan hrawh hna; Nan tha a nuam, nan lung aa lawm i facang cil dih hnuah cawla nih a duhduh in a lek bangin nan le nain le rangtum bangin nan awn nain,

JEREMIAH 50:27

A ralkap cu that dih hna u, thahnak hmun ah vun kalpi hna u. An caah ngaihchia a va si dah! An ni, an dantat caan cu a phan cang.

EZEKIEL 30:22

Cucaah hihi Bawipa Pathian bia an si: Izipt siangpahrang Faro cu ka ralchanh; a kut kha a pahnih tein, a dammi he a kiakmi he khan, ka khiah hna lai i vainam cu a kut chung khan ka tlakter lai.

EZEKIEL 35:5

Israel mi cu na lungchung tein na huat zungzal hna caah, Rawhralnak an ton ni ah le a hmanung bik dantatnak an hmuh ni ah Annih cu vainam sinah na pek hna.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

AMOS 6:4

Nannih cu vuiho in ṭamhmi nan ihkhun ah khan nan it i Nan ṭhutdan nem cungah khan nan zau, Saṭil run chung i a thaumi tuufa hna le cawfa hna kha nan ei;

OBADIAH 1:13

Ka mi hna cu an rawhral ni ah khan an chawva va lak awk le An temhinnak kha nang i rak i lawmhpi awkah an khua chungah na rak luh awk a si lo.

MIKAH 7:4

An lak i miṭha bik hna le lihchim lo bik hna hmanh kha hlingbur bantuk an si. Pathian nih dan kan tat hna lai tiah ralrinnak a pek cang hna bangin Mi cu dan a tat hna lai ni kha a phan cang. Annih cu vansang au in an um dih lai.

MATTHAI 22:4

Cun a sinum a dang kha a thlah ṭhan hna i, ‘Rawl danghnak cu timh a si dih cang. Ka cawtum hna le ka saṭil thauthau hna cu ka thah cang hna. Zeizong vialte timh a si dih ko. Cucaah khulrang in rawl danghnak ah cun ra cang u,’ nan va ti hna lai, tiah a ti hna.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.