JEREMIAH 46:14 - Lai (Hakha) Common Language Bible 2006

¹⁴ “Izipt ah vung thanh u law Migdol ah aupi tuah u, Memfis le Tahpanhes ah cun thanh tuah u; ‘Dir law timh cia tein um tuah, Zeicahtiah vainam nih na pawngkam cu a ei lai,’ tiah chim u.

JEREMIAH 46:14 ပူးပေါင်းရင်းမြစ်များ

2 SAMUEL 2:26

Cun Abner nih Joab kha a hei auh i, “Zungzal in maw mah le mah hi kan i doh ko lai! A donghnak cu a fak lai tiah na hngal ko lo maw? Na mi hna cu, nan unau hna dawi hi ngol cang u, tiah zeitik ah dah na ti hna lai,” tiah a ti.

EXODUS 14:2

“Israel mi kha, hnulei ah kir u law Pi-ha-hiroth hmai Migdol le rili karlak, Baal-zefon hmai, rili kamah khan riak u, tiah chim hna.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

ISAIAH 19:13

Zoan khua le Memfis khua chung haotu hna cu mihrut an si ko. Annih cu an miphun kha a hruaitu ding an si nain a pingah an kalpi hna.

ISAIAH 31:8

Raldohnak ah hin Assiria mi cu hrawh an si lai, sihmanhsehlaw minung ṭhawnnak in a si lai lo. Assiria mi cu raltuknak hmun in an zam lai i an tlangval hna cu sal ah an tlaih hna lai.

ISAIAH 34:6

A nam ah cun an thi le an thau kha tlor zelzul in an i neh lai, raithawinak ah an hmanmi tuufa hna thi le thau bantuk le meheh thi le thau bantuk kha an si lai. Bawipa nih hi raithawinak cu Bozrah khua ah khan a tuah lai; hi bantukin a nganmi thahnak cu Edom ram ah khan a tuah lai.

JEREMIAH 12:12

Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

JEREMIAH 2:16

Memfis mi hna le Tahpanhes mi hna nih nan lu an in khuai hna lai.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 44:1

Izipt ram chung Migdol, Tahpanhes, Nof le Pathros ram chungah a ummi Judah mi vialte kongah Jeremiah sin i a rami bia:

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

JEREMIAH 46:19

Saltang dingin nan thil i tim u, Maw Izipt ram mi hna! Zeicahtiah Memfis hi pakpalawng ah a cang lai i a chungah ahohmanh um loin a ṭiao lai.

JEREMIAH 46:2

Izipt kong: Judah siangpahrang Jehoiakim, Josiah fapa a bawi kum li kum ah, Babilon siangpahrang, Nebukhadnezzar nih Zufrates tiva kam i Karkhemish khua ah a teimi Izipt siangpahrang Faro Neko i a ralkapbu kong:

EZEKIEL 21:28

“Mipa, Israel mi a serhsattu Ammon mi hna kha chim hna. Hihi Bawipa Pathian bia a si: Mi thahnak ding ca i zuhmi, thil hrawhnak ding ca i tatmi nimtlau bantukin a lek in aa lekmi vainam kha tat a si cang.

EZEKIEL 30:13

Mah hihi Bawipa Pathian bia cu a si: Nof khua bawi hna le siangpahrang hna cu an donghnak ka phakter hna lai i Izipt ram chungah siangpahrang pakhat hmanh a chuak ṭhan ti lai lo. Khi tikah khi ram chungah ṭihnak kha ka chiah lai i

HOSEA 9:6

Rawhralnak kha an luat hmanh ah Izipt nih khan a rak i fimhlawm lai i Memfis cu an thlan a si lai; Rili chung thetse tlang nih khan an lawng cu a hrawh hna lai, An ram ah khan belh a kho lai i an umnak hmun ah khan hling an kho lai.

NAHUM 2:13

Nangmah cu kaan ralchanh, tiah Bawipa nih a ti. Naa porhlawtnak cu meikhu bangin dih lakin ka chuahter lai i Vainam nih na fale cu a thah hna lai. Vawlei cungah hin sa seh awk kan nganhpiak ti lai lo i Na rawl ei thawng cu theih a si ti lai lo.

DEUTERONOMI 32:42

Sam saumi ral hna lu in le Thahmi hna le tlaihmi hna thi in, Ka thal hna cu thi ka ritter hna lai i Ka nam nih sa a ei lai —