JEREMIAH 46:12 - Lai (Hakha) Common Language Bible 2006

¹² Miphun hna nih na aunak kha an theih i, Vawlei cu na kiaonak khan a khat. Ralkap cu pakhat le pakhat an i pah i an pahnih in hmun khat ah an ril.

JEREMIAH 46:12 ပူးပေါင်းရင်းမြစ်များ

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

ISAIAH 24:11

Zalam ah khan mi cu an dir i, zu kan duh, tiah an au; lawmhnak cu a lo cang, ram chungin hlonh a si cang.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 46:6

Khulrangmi kha an luat kho maw? Ralkap zong kha an i khamh kho maw? Chaklei ah Zufrates tiva kamah an ril i an tlu.

JEREMIAH 47:2

Bawipa nih hi bangin a ti: Zohhmanh chaklei in ti a rung lian lai i a kawr khat in a liam dih lai, Ram le a chung i a ummi thil vialte kha a phum dih hna lai. Khuapi i hna le a chung i a ummi minung hna zong. Mi cu an ai an kiao lai i cu ram i a ummi vialte hna cu an ṭap dih lai.

JEREMIAH 48:34

Heshbon khuami hna le Elealeh khuami hna cu an ai i an ai thawng cu Jahaz tiangin a thang; Zoar i a ummi hna nih an rak theih i Horonaim le Eglath-shelishiyah tiangin a thang. Nimrim tivate hmanh kha a car dih.

JEREMIAH 49:21

Edom cu a tluk tikah a thawng a than tuk caah vawlei aa hnin lai i a ainak thawng cu Rili Sen tiangin a thang lai.

JEREMIAH 50:46

Babilon cu a tluk tikah a thawng a than tuk caah vawlei aa hnin i A ainak thawng cu miphun zakip sin tiang a thang.

JEREMIAH 51:54

Babilon khua chung i ṭah thawng cu ngai hmanh. Khaldi mi hna ram i rawknak nganpi thawng cu.

NAHUM 2:5

An hruitu hna nih khan an ralṭhatnak kha an langhter, Nimtlau bantukin a kenkip ah a choi in an choi; Khulrang in vampang ah khan an hei tli i raltuknak phaw kha an va chon hna.

ZEFANIAH 1:10

Khi ni ah Nga Kutka timi in au thawng kha a rung thang lai i Sang Hnihnak in ṭah thawng kha a thang lai; Thawng fakpi kha tlang cungin a rung thang lai;

1 SAMUEL 5:12

A thi lomi cu an bo dih i khua chung aunak thawng cu van tiang a kai.