JEREMIAH 44:7 - Lai (Hakha) Common Language Bible 2006

⁷ “Atu cu Bawipa, Ralkapbu Pathian, Israel Pathian nih hi bangin a ti: Zeicahdah nanmah lila cungah hi bantuk a nganmi rawhralnak hi nan i tlunter? Zeicahdah Judah mi nan cungah, pa si u, nu si u, ngakchia si u, bawhte si u law, a nungmi um lo tiangin, rawhnak nan i tlunter?

JEREMIAH 44:7 ပူးပေါင်းရင်းမြစ်များ

PHUNGTHLÛKBIA 1:18

Sihmanhsehlaw hi mi hna nih an bawhmi cu anmah thisen lila kha a si i Lamhruang an ahmi cu anmah nunnak lila kha a si ko.

PHUNGTHLÛKBIA 15:32

Chimhhrinnak zei ah na rel lo ahcun nangmah le nangmah harnak naa pe, sihmanhsehlaw chimhhrinnak kha na cohlan duh ahcun na fim chin lai.

PHUNGTHLÛKBIA 5:22

Miṭhalo cu amah ṭhat lonak ah aa foih i a sual rianṭuannak ah khan a tang.

PHUNGTHLÛKBIA 8:36

Sihmanhsehlaw keimah a ka hmu lomi nih cun amah le amah kha aa hliam ko; a ka huatu vialte cu thihnak he aa duhmi an si,” tiah a ti.

JEREMIAH 25:6

pathian dang kha nan biak hna lo i an rian nan ṭuan hna lo i nan biak fawn hna lo i cun nan kut sermi siasal in ka thin zong kha nan ka phawh fawn lo ahcun nan cungah harnak ka tuah lai lo.

JEREMIAH 25:7

Sihmanhsehlaw ka bia nan ngai lo, nan kut nih a sermi siasal khan ka thin nan ka phawh, cucaah nanmah lila nih nanmah cungah harnak nan i tlunter,” tiah Bawipa nih a ti.

JEREMIAH 26:19

Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

JEREMIAH 3:24

Hlanliopi in ningzahnak pathian Baal nih cun Kan pupa hna nih an ṭuanmi theitlai hna le, an tuurun hna le an cawrun hna le, An fapa hna le an fanu hna kha a ei dih hna.

JEREMIAH 38:17

Khi tikah Jeremiah nih Zedekiah cu, “Hi bangin Bawipa, Ralkapbu Pathian, Israel Pathian nih a ti: Babilon siangpahrang i a bawi hna sinah hin naa pek ahcun na nunnak cu zuah a si lai i hi khua hi mei in khangh a si lai lo, nangmah le na innchungkhar cu nan nung lai.

JEREMIAH 42:20

atu ah ralrinnak kan pek hna. Bawipa kan Pathian sinah cun nan ka kalter i, ‘Bawipa kan Pathian sinah thla kan campiak tuah! Nan tuah awk a si, tiah a kan timi paoh kha kan chim law, kan tuah lai’, nan ti.

JEREMIAH 44:14

Judah ram i a tangmi hna nih khan Judah ram ah kan kir ṭhan te lai i khika ah kan um ṭhan te lai ti ruahchannak in Izipt ram i um hmun khuar awkah an ra; sihmanhsehlaw an kir ṭhan ti lai lo, pakhat hmanh an nung lai lo, pakhat hmanh an luat lai lo.

JEREMIAH 44:8

Mah hihi umnak hmun nan i khuarnak Izipt ram i pathian dang hna sinah raithawinak nan pekchanhnak thawngin siasal biaknak nan tuahmi in ka thin nan ka phawhnak ruangah a si. Nanmah le nanmah kha nan i hrawk lai i vawlei cung miphun vialte sinah nihsawh awk le zawmhtaih awkah nan cang lai.

JEREMIAH 51:22

Nangmah in rangleng le rangleng aa cittu cu ka den hna; Nangmah in pa hna le nu hna cu ka den hna, Nangmah in tar le no cu ka den hna, Nangmah in tlangval le ngaknu cu ka den hna;

JEREMIAH 7:19

Sihmanhsehlaw a thin an huntermi cu keimah ka si maw, tiah Bawipa nih a ti. Si hlah, anmah tu kha an si deuh, ningzahnak in anmah le anmah aa khuhmi hna kha an si.

JEREMIAH 9:21

“Thihnak cu kan thlalangawng in an rung lut i Kan inn ṭhaṭha hna ah an lut cang; Khualak lam i ngakchia hna kha an thah hna i Khualak tual i tlangval hna kha an dawi hna,” tiin i cawnpiak hna seh.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

ṬAHNAK HLA 2:22

Keimah doh awkah ka ral hna cu, puai tuah awkah aa pummi bantukin, a kenkip in na auh hna; Bawipa thinhun ni ah cun pakhat hmanh an luat lo; pakhat hmanh an nung lo. Him tein ka hrinmi hna le ka cawmmi kha an dihlak in ka ral nih an hrawh hna.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

EZEKIEL 9:6

An dihlak in that hna u law hrawk dih hna u, a tar siseh, a no siseh, nu ngakchia si hna seh, ngakchia tete si hna seh, nu si hna seh, that dih hna u; sihmanhsehlaw hmelchunhnak a ngeimi kha cu ahohmanh tawng hna hlah u; ka hmunthiang khan i thawk u,” tiah a ti thawng kha ka theih. Cucaah biakinn hmai khan upa hna nih cun an i thawk.

HABAKKUK 2:10

Asinain nan tuahmi nih cun nan innchungkhar cungah ningzahnak a tlunter; Miphun tampi kha nan va hrawh hna, asinain nan i tlunpimi cu nanmah rawknak kha a si ko.

NAMBAR 16:38

Sualnak ruang i nunnak a hlomi hna meilaknak hna kha cu an thian caah, cucaah biakṭheng khuhnak ca i denmi kheng ah serter hna, zeitintiah Bawipa hmaiah an pekchanh hna; cucaah an thiang. Cu bangin Israel mi caah hmelchunhnak an si lai, tiah chim tuah,” tiah a ti.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.

JOSHUA 6:21

Cun khua chungah a ummi vialte cu, nu he pa he, tar he no he, cawtum, tuu le laa he tiah vainam in an sam dih cikcek hna.

BIACEIHTU 21:11

Mah hihi nan tuah awk cu a si lai; pa vialte le pa he a it cangmi nu vialte cu nan thah cikcek hna lai,” tiah an ti.

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

1 SAMUEL 22:19

Cun tlangbawi khua Nob kha vainam in a tuk; pa he nu he ngakchia he hnuktlai lio he, cawtum he laa he tuu he, vainam in a sam hna.