JEREMIAH 44:26 - Lai (Hakha) Common Language Bible 2006

²⁶ Sihmanhsehlaw Judah ram in a ra i Izipt ram ah a ummi vialte hna Bawipa bia hi ngai tuah u. Ka min cu Judah mi hna hmur ah a cuang ti lai lo, tiin keimah nih ka min a nganmi in chiat ka ser cang, tiah Bawipa nih a ti; Izipt ram chungah cun, ‘Bawipa Pathian a nun bangin,’ ti in chiat an ser ti lai lo.

JEREMIAH 44:26 ပူးပေါင်းရင်းမြစ်များ

GENESIS 22:16

“Keimah nih keimah min hrimhrim in biakamnak ka ser lai — hihi Bawipa chimmi bia a si — fapa pakhat lawngte na ngeihmi kha pek sian loin na ka um lo caah thluachuah tam piin kan pek lai.

SALM 50:16

Sihmanhsehlaw Pathian nih miṭhalo cu a thawh hna i, “Zeicahdah ka nawlbia cu nan ciah len ko? Zeicahdah ka biakamnak kong cu nan chim len ko?

SALM 89:34

Amah he bia kan i kamnak kha ka hrawk lai lo, amah sin i bia ka kammi cu pakhatte hmanh ka let ṭhan lai lo.

ISAIAH 62:8

Bawipa nih biatak tein bia aa kam, a biakam cu a lianhngannak in a tlinter lai. Cu a biakam cu hihi a si: “Nan tirawl cu nan ral hna caah rawl a si ti lai lo i ramdangmi nih nan mitsur hang cu an in dinkanh ti hna lai lo.

JEREMIAH 22:5

Sihmanhsehlaw hi bia hi zei ah nan rel hna lo ahcun, hi inn hi a rawk lai tiin keimah min chalh in chiat ka ser, tiah Bawipa nih a ti.

JEREMIAH 24:8

Sihmanhsehlaw Judah siangpahrang Zedekiah, a bawile hna le Jerusalem i a nung rihmi hna cu, hi ram chung i an um ah siseh, Izipt ram i an um ah siseh, hi hna vialte cu theipi chia, a chiat tuk ca i ei awkah a tlak lomi bantuk ah khan ka ser hna lai, tiah Bawipa nih a ti.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 44:11

Cucaah Ralkapbu Bawipa, Israel Pathian nih hi bangin a ti: Nan cung i ṭhat lonak tlunter awk le Judah mi kha hloh cikcek awkah ka lung kaa thlek cang.

JEREMIAH 44:14

Judah ram i a tangmi hna nih khan Judah ram ah kan kir ṭhan te lai i khika ah kan um ṭhan te lai ti ruahchannak in Izipt ram i um hmun khuar awkah an ra; sihmanhsehlaw an kir ṭhan ti lai lo, pakhat hmanh an nung lai lo, pakhat hmanh an luat lai lo.

JEREMIAH 44:24

Jeremiah nih mi vialte le nu vialte hna cu a thawh ṭhan rih hna i, “Judah ram in a ra i Izipt ram ah a ummi vialte, nan dihlak in Bawipa bia hi thei tuah u.

JEREMIAH 46:18

“Ka nun bangin,” tiah Siangpahrang, a min Ralkapbu Bawipa a simi nih cun a ti. Tlang hna lak i Tabor tlang a san cem bantuk le Karmel tlang cu rili cung sangpi ah aa hlorh bantukin Nangmah an dohtu dingmi a ṭhawnnak cu a si lai.

JEREMIAH 49:13

Bozrah khua cu tuksapur le ṭiaotakmi khua ah a cang lai i mi nih an nihsawh lai i a min cu chiatsernak ah an hman lai. A pawngkam khuate vialte cu zungzal in an rawk lai, tiin keimah nih chiat ka ser cang,” tiah Bawipa nih a ti.

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

JEREMIAH 51:14

Bawipa hrimhrim nih, ‘Rel cawk lo a simi khaubawk zat in minung in ka rak in khahter, Sihmanhsehlaw na cungah teinak vahla thlorh a si cang lai,” tiah chiatser in a ti.

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

AMOS 6:10

A thimipa cu, a ruakvuinak a sersiamtu a rualchan nih khan, a ruak cu innchung khan a chuahpi lai. Innchung a ken bik i a ummi kha, “Khaka ah khan aho an um ti maw?” tiah a hei auh tikah, “An um ti lo,” tiah a rak leh lai i, cun aa thawh lai i, “Hna chet hlah, Bawipa min cu chim awk a si lai lo,” tiah a ti lai.

AMOS 6:8

Bawipa Pathian hrimhrim nih chiatser in hi bangin a ti: Jakob a ruamkainak cu ka fih, a ralhruang hna cu ka fih hna; Khuapi cu a chung i a ummi vialte hna he ral kut chungah ka chanh lai.

AMOS 8:7

Bawipa nih Jakob lianhngannak in chiat a ser cang: An tuahmi kha ka philh bal lai lo, a ti.

NAMBAR 14:28

Annih sinah hi bangin va chim tuah, Bawipa nih, ‘Ka nun bangin, keimah theih hngan i nan chimmi cu nan cungah ka tuah lai:

HEBRU 3:18

Pathian nih, “Ka dinhnak chungah an lut lai lo,” a ti ah khan, ahodah a tihnawh duhchan hna? Amah a dohtu kha a tihnawhchan hna.

HEBRU 6:13

Pathian nih Abraham bia a rak kamh ah khan, aa kammi cu ka tuah hrimhrim lai tinak ah khan chiat a rak ser. Cun amah nakin a ngan deuhmi an um lo caah cu chiatsernak ah cun amah min kha a hman i,

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.