JEREMIAH 44:24 - Lai (Hakha) Common Language Bible 2006

²⁴ Jeremiah nih mi vialte le nu vialte hna cu a thawh ṭhan rih hna i, “Judah ram in a ra i Izipt ram ah a ummi vialte, nan dihlak in Bawipa bia hi thei tuah u.

JEREMIAH 44:24 ပူးပေါင်းရင်းမြစ်များ

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

ISAIAH 1:10

Jerusalem, na uktu bawi hna le na mi hna hi Sodom le Gomorrah khuami bantuk kha an si. Bawipa nih an chimhmi bia hi ngai tuah. Kan Pathian nih an cawnpiak mi hi ṭha tein ruat tuah.

ISAIAH 28:14

Cucaah cun Jerusalem khuami uktu, mi lungpuam rual hna, Bawipa nih a chimmi hi ngai tuah u.

JEREMIAH 42:15

khika ah khua kan sa ko lai,’ nan ti sual ko hnga. Khi ti a si ahcun, maw Judah mi a tangmi hna, Bawipa bia hi thei tuah u. Hi bangin Ralkapbu Bawipa, Israel Pathian nih a ti: Izipt ram chung i va luh awk le khika i va um awk kha nan i timh peng ko a si ahcun,

JEREMIAH 43:7

hi hna vialte hi Bawipa nawl cu ngai loin Izipt ram chungah cun an vung kal i Tahpanhes kha an phan.

JEREMIAH 44:26

Sihmanhsehlaw Judah ram in a ra i Izipt ram ah a ummi vialte hna Bawipa bia hi ngai tuah u. Ka min cu Judah mi hna hmur ah a cuang ti lai lo, tiin keimah nih ka min a nganmi in chiat ka ser cang, tiah Bawipa nih a ti; Izipt ram chungah cun, ‘Bawipa Pathian a nun bangin,’ ti in chiat an ser ti lai lo.

EZEKIEL 2:7

Annih cu ral thawh hmangmi an si ko caah hin an ngaih duh zongah an ngaih duh lo zongah ka bia cu na chimh ko hna lai.

AMOS 7:16

Cucaah cun atu cu Bawipa bia hi ngai tuah u: “Israel mi cu bia chim hna hlah, Isak tefa hna cu na hruh bia cu nawnnokpi lengmang hna hlah, nan ka ti.

MATTHAI 11:15

Cucaah hna nan ngeih ahcun, thei ko u!