JEREMIAH 44:23 - Lai (Hakha) Common Language Bible 2006

²³ Nannih nih hi raithawinak kha nan khangh hna i Bawipa cungah nan sual i Bawipa cu a nawl nan ngai lo i phungbia le a nawlbia le cawnpiaknak kha nan zulh lo caah, hi harnak hi nan cungah a tlung,’ ” tiah a ti.

JEREMIAH 44:23 ပူးပေါင်းရင်းမြစ်များ

1 SIANGPAHRANG 9:9

Cun annih nih an thawh hna lai i, ‘Zeicahdah a si ti ahcun, annih an pupa hna Izipt ram in a chuahpitu Bawipa an Pathian kha an hlawt i pathian dang kha an i tlaih hna i an biak hna i an rian an ṭuan hna caah hi ṭhat lonak vialte hi Bawipa nih an cungah a tlunter,’ tiah an ti lai,” tiah a ti.

2 SIANGPAHRANG 17:15

Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

NEHEMIAH 13:18

Nan pupa hna nih hi bantukin an tuah caah kan Pathian nih hi ṭhat lonak hi kan cung le hi khua cungah hin a tlunter a si lo maw? Asinain nannih nih sabbath nan buarnak thawngin Israel cungah thinhunnak tam chinchin nan tlunter,” tiah ka ti hna.

SALM 119:136

Mi nih na phunglam kha zulh an duh lo caah an mitthli cu tiva bangin a luang.

SALM 119:150

A ka hremtu mipuarhrang hna nih khan an ka naih chin lengmang, annih cu na phunglam a zul duh bal lomi kha an si.

SALM 119:155

Na nawlbia kha miṭhalo mi nih cun an zulh hna lo caah annih cu khamhnak an hmu lai lo,

SALM 78:10

Pathian sinah bia an i kammi kha an zul lo, a nawlbia kha ngaih an duh lo.

SALM 78:56

Asinain Lianngan Bik Pathian kha an doh i an hneksak. A nawlbia kha zulh an duh lo i

JEREMIAH 26:4

Annih cu na thawh hna lai i, Bawipa bia cu hi bangin a si: Ka bia nan ngaih lo i nan hmai i ka chiahmi ka nawlbia kha nan zulh lo i

JEREMIAH 40:3

nannih nih Bawipa cungah nan sual i a bia nan ngaih duh lo caah hi thil cu nan cung i a tlun nakhnga an chimh cangmi hna thil cu a tlinter.

JEREMIAH 44:10

Nihin ni tiang hin ngaihchiatnak nan ngei lo i hmaizahnak zong nan ngei rih lo, nan pupa hna le nanmah hmai i ka chiahmi ka phungbia le ka nawlbia kha nan zul hna lo.

JEREMIAH 44:18

Sihmanhsehlaw Vancung Khuazingnu sin i thawinak khangh kan ngol le thlet thawinak pekchanh kan ngol ri in zei paohpaoh kan chambau dih i vainam le mangṭam in kan thi lengmang,’ an ti.

JEREMIAH 44:2

“Hi bangin Ralkapbu Bawipa, Israel Pathian nih a ti: Jerusalem khua le Judah ram khua vialte hna cungah ka tluntermi ṭhat lonak vialte cu nan hmuh cang: atu ah cun an ṭiao dih i ahohmanh um ti loin kaltak an si dih cang,

JEREMIAH 44:21

‘Nanmah le nan pupa hna le nan siangpahrang hna le nan bawile hna le hi ramchung mi hna nih Judah ramchung khua hna ah le Jerusalem khuachung lam ah nan tuahmi raithawinak kha Bawipa nih a philh hna lo,

JEREMIAH 44:3

hihi zei ruangah dah a si, ti ahcun, an hngalh bal lomi pathian kha an zulh hnanak thawng le cu pathian hna sinah raithawinak an khanghnak thawngin ka thin a ka phoktu hna ṭhat lonak ruangah khan a si. Hi a tuahtu cu nanmah le nan pupa hna kha nan si.

JEREMIAH 44:8

Mah hihi umnak hmun nan i khuarnak Izipt ram i pathian dang hna sinah raithawinak nan pekchanhnak thawngin siasal biaknak nan tuahmi in ka thin nan ka phawhnak ruangah a si. Nanmah le nanmah kha nan i hrawk lai i vawlei cung miphun vialte sinah nihsawh awk le zawmhtaih awkah nan cang lai.

ṬAHNAK HLA 1:8

Jerusalem cu fak piin a sual ko, Cucaah puanchia thur bantuk ah rel a si cang; A rak upat tawntu vialte nih khan zei ah an rel ti lo, Zeicahtiah a taklawng in a um kha an hmuh. Cucaah a hrum a ai i ningzak in mi hmai a zoh ngam ti lo.

DANIEL 9:13

asinain Bawipa kan Pathian, na thin damternak caah zeihmanh kan tuah lo; ahmaan lo thil kan tuahmi kha kan i ngaichih lo i na biatak kha kan zul fawn lo.

1 KORIN 10:20

Si hlah! Ka chim duhmi cu hihi a si: Lawkihmi nih an biakṭheng cungah an i bawlnak sa cu khuachia dohdanghnak sa an si i Pathian pekchanhmi an si lo. Khuachia he hawikom si cu kan duh hna lo.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.