JEREMIAH 44:19 - Lai (Hakha) Common Language Bible 2006

¹⁹ Cun nu hna nih cun, ‘Vancung Khuazingnu sinah thawinak kan khangh i thlet thawinak kan bungh tikah khan, thlapa samthihkuang a lomi changreu thlum a cung i amah mui a cuangmi kan ser kha kan vale nih ṭha tein an hngalh ko,’ an ti.

JEREMIAH 44:19 ပူးပေါင်းရင်းမြစ်များ

GENESIS 3:6

Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

1 SIANGPAHRANG 21:25

(Bawipa mithmuh i thil ṭha lo tuah awkah aa pemi Ahab bantuk ahohmanh an um lo — cu vialte cu a nupi Jezebel nih a forh ruangah a si.

2 CHANRELNAK 21:6

Cun Ahab innchungkhar nih an tuah bantuk khan, Israel siangpahrang hna lam kha a zul; zeitintiah a nupi cu Ahab fanu a si. Cun Bawipa mithmuh i thil ṭhalo kha a tuah.

PHUNGTHLÛKBIA 11:21

Hnadai tein um ko, miṭhalo cu dantatnak hmu loin a um lai lo, sihmanhsehlaw miding hna le an tefa hna cu an luat lai.

JEREMIAH 44:15

“Cun an nupile hna nih pathian dang sinah raithawinak an khangh ti a hngalmi pa vialte hna le an pawng i a rak dir lulhmi nu vialte hna nih Jeremiah cu an leh i, ‘Bawipa min in na kan chimhmi cu kan ngai lai lo.

JEREMIAH 44:20

Cun Jeremiah nih hi nu hna le pa hna le mi vialte sinin cu bantuk lehnak kha a hmuh tikah aa thawh i,

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

NAMBAR 30:12

Sihmanhsehlaw a va nih a theih ni ah a hrawh hna ahcun, a biakamnak kong ah a hmur in a chuakmi zeipaoh siseh, amah le amah aa hrennak bia siseh, a dir lai lo; a va nih a hrawh hna i Bawipa nih a ngaihthiam lai.

NAMBAR 30:8

Sihmanhsehlaw a va nih a theih ni ah a hnatlak lonak kha a langhter ahcun, a cungah a ummi biakamnak le ruah set loin a hmur nih a chimmi in aa ṭemnak kha a hrawh lai i Bawipa nih a ngaihthiam lai.