JEREMIAH 44:18 - Lai (Hakha) Common Language Bible 2006

¹⁸ Sihmanhsehlaw Vancung Khuazingnu sin i thawinak khangh kan ngol le thlet thawinak pekchanh kan ngol ri in zei paohpaoh kan chambau dih i vainam le mangṭam in kan thi lengmang,’ an ti.

JEREMIAH 44:18 ပူးပေါင်းရင်းမြစ်များ

2 CHANRELNAK 28:23

Zeitintiah amah a teitu Damaskas pathian hna sinah khan rai a thawi i, “Siria siangpahrang hna pathian hna nih an bawmh hna caah, keimah zong an ka bawmh ve nakhnga an sinah raithawinak ka tuah lai,” tiah a ti. Sihmanhsehlaw annih cu amah le Israel mi vialte rawhralnak an si.

JEREMIAH 19:13

An thur ruangah Jerusalem khua inn hna le Judah siangpahrang inn hna cu Tofeth bantuk an si lai — vancung thil bu sin i raithawinak a cung i an khanghnak inn vialte le pathian dang hna sin i thlet thawinak an thletnak inn vialte hna cu, Tofeth bantukin an thur lai,’ a ti, tiah na chimh hna lai,” tiah a ti.

JEREMIAH 40:12

Cucaah an i ṭheknak hmun khan Judah mi vialte cu Judah ram ah khan an ra kir i Mizpah i Gedaliah sinah cun an ra chuak; cun mitsur hang le ṭhal caan theitlai kha tam nawnpi an pumh.

HOSEA 2:5

An nu kha hlawhhlangnu a si ai, Annih a pawitu hna cu ningzah a hngal lomi, Aa thawh i, “A ka duhtu cu ka dawi ko hna lai; rawl le din awk le sahmul le laa le chiti le zihmui an ka pek paoh ahcun,” a timi kha a si.