JEREMIAH 44:17 - Lai (Hakha) Common Language Bible 2006

¹⁷ Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

JEREMIAH 44:17 ပူးပေါင်းရင်းမြစ်များ

2 SIANGPAHRANG 17:16

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.

2 SIANGPAHRANG 22:17

annih nih an ka hlawt i pathian dang hna sinah khan zihmui an khangh i annih nih ka thinphawhnak caah an kut in hi rian vialte kha an tuah caah hi hmun cungah hin ka thinhunnak cu a alh lai i a mit lai lo.

2 CHANRELNAK 28:23

Zeitintiah amah a teitu Damaskas pathian hna sinah khan rai a thawi i, “Siria siangpahrang hna pathian hna nih an bawmh hna caah, keimah zong an ka bawmh ve nakhnga an sinah raithawinak ka tuah lai,” tiah a ti. Sihmanhsehlaw annih cu amah le Israel mi vialte rawhralnak an si.

NEHEMIAH 9:34

kan siangpahrang hna, kan bawi hna, kan tlangbawi hna le kan pupa hna nih na pekmi hna na phungbia kha an ul lo i na nawlbia hna le ralrinnak na pekmi hna kha zei ah an rel lo.

SALM 106:6

Kan pupa hna an rak sual bantuk khan kannih zong kan sual ve, palhnak kha kan tuah ve i ṭhat lonak kha kan tuah ve.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

EXODUS 16:3

“Bawipa nih Izipt ram ah khan rak kan that lawlaw seh law kan duh deuh hnga. Izipt ram ah khan cun sa um hram ah khan kan ṭhu i kan duh zat in rawl kan ei. Sihmanhsehlaw atu cu hi ramcar chungah hin nan kan chuahpi i rawlṭam in kan thi dih cang lai,” an ti.

ISAIAH 48:5

Nan hmailei caan cu hlanpi in ka rak chimchung cang, thil cu an hung um hlanah ka rak thanh chung cang, zeicahtiah cucu nan siasal nih an tuahmi a si nan ti nakhnga lo le nan thirdar milem nih an tluntermi a si nan ti khawh nakhnga lo caah a si.

JEREMIAH 1:16

Keimah kha an ka hlawt i pathian dang hna sinah zihmui an khangh i anmah kut lila in sermi an biaknak ṭhat lonak vialte ruangah an cungah ka biakhiahnak cu ka chim lai.

JEREMIAH 11:12

Judah ram khua chung mi hna le Jerusalem khuami hna nih raithawinak an pekchanhmi pathian hna sinah khan an kal lai i an auh hna lai, sihmanhsehlaw an harnak caan ah khan an rak khamh kho hna lai lo.

JEREMIAH 18:15

Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

JEREMIAH 19:13

An thur ruangah Jerusalem khua inn hna le Judah siangpahrang inn hna cu Tofeth bantuk an si lai — vancung thil bu sin i raithawinak a cung i an khanghnak inn vialte le pathian dang hna sin i thlet thawinak an thletnak inn vialte hna cu, Tofeth bantukin an thur lai,’ a ti, tiah na chimh hna lai,” tiah a ti.

JEREMIAH 44:21

‘Nanmah le nan pupa hna le nan siangpahrang hna le nan bawile hna le hi ramchung mi hna nih Judah ramchung khua hna ah le Jerusalem khuachung lam ah nan tuahmi raithawinak kha Bawipa nih a philh hna lo,

JEREMIAH 44:25

Hi bangin Ralkapbu Bawipa, Israel Pathian nih a ti: Nu hna, nan bia le nan tuahnak kha nan zulhter. ‘Kan i kammi, Vancung Khuazingnu sin i raithawinak khangh le a sin i thlet thawinak pekchanh cu kan tlinter lai,’ nan ti. Si ko seh, nan biahrennak cu tlinter u law nan biakamnak cu tuah taktak hna u.

JEREMIAH 44:9

Nan pupa hna ṭhat lonak kha siseh, Judah siangpahrang hna ṭhat lonak kha siseh, an nupile hna ṭhat lonak kha siseh, nanmah ṭhat lonak hrimhrim kha siseh, nan nupile hna ṭhat lonak kha siseh, Judah ram chung le Jerusalem khua chung lam hna i an tuahmi hna kha, nan philh cang hna maw?

JEREMIAH 7:17

Judah ram chung khua hna le Jerusalem khua chung lam hna ah khan zeidah an tuah kha na hmu lo maw?

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

EZEKIEL 20:32

Nannih nih nan i thawh i, ‘Ram dang miphun cio hna bang si ve u sih law thing le lung kha bia hna u sih,’ tiah nan ti tikah hin, a si kho bal lai lomi thil kha nan ruahmi hi a si.

EZEKIEL 20:8

“Sihmanhsehlaw an ka doh, ka bia kha ngaih an duh lo i ahohmanh nih an mit lungriam in an rak zohmi thil fihnung kha hlonh an duh hna lo i Izipt siasal kha hlawt an duh hna lo. Izipt ram ah khan, ka thinhunnak cu ka bunghhnawh lawlaw ko hna lai hlah maw, ka thinlinhnak cu ka hlinh lawlaw ko hna lai hlah maw, tiah ka rak ruat.

EZEKIEL 23:41

a ṭha ngaingaimi ihkhun cungah khan na ṭhu i an hmaiah cun cabuai kha an hun i cu cabuai cungah cun keimah zihmui le chiti kha an chiah hna.

EZEKIEL 8:16

Cucaah Bawipa inn chung chungchin tual ah khan a ka kalpi i khika ah Bawipa hmunthiang i va luhnak ah cun, innleng le biakṭheng karlak ah, mi kul le panga tluk, hmunthiang cu hnulei chit in nichuahlei kha a zoh i a chuak liomi nika bawh buin a biami kha ka hmuh hna.

HABAKKUK 1:16

Cucaah an sur ngan kha raithawinak an pekchanh hna i an sur kha khangh thawinak an pekchanh hna; Zeicahtiah nun nuam ngaiin an nunnak le rawl tampi an ngeih khawhnak cu an sur hna thawng cun a si.

NAMBAR 30:12

Sihmanhsehlaw a va nih a theih ni ah a hrawh hna ahcun, a biakamnak kong ah a hmur in a chuakmi zeipaoh siseh, amah le amah aa hrennak bia siseh, a dir lai lo; a va nih a hrawh hna i Bawipa nih a ngaihthiam lai.

NAMBAR 30:2

Mipa pakhatkhat nih Bawipa sinah biakamnak a tuah ah maw, biakamnak in amah le amah cu i ṭem awkah chiat a ser ah maw, a bia cu a hrawk lai lo; a kaa chungin a chuakmi vialte bang khan a tuah lai.

MARKA 6:26

Siangpahrang cu a awlok a chong ko, sihmanhsehlaw a sawmmi upa hna hmaiah khan, kha ti khan bia aa kam laklawh cang ṭung caah, a al kho lo.

DEUTERONOMI 23:23

Nan kaa in a chuak cangmi cu nan tuah hrimhrim lai, zeitintiah nan kaa in nan i kammi cu Bawipa nan Pathian sinah nanmah lungtho tein nan kammi a si.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

1 PETER 1:18

Nan pupa nih an in rohmi hna santlailo phunglam hna chungin an luattertu hna cu zeidah a si kha nan hngalh, a rawk khomi thil sui le ngun bantuk si loin

BIACEIHTU 11:36

Cun anih nih amah sinah, “Ka pa, Bawipa sinah na kaa na pau cang a si ahcun, na kaa chungin a chuakmi bangin ka cungah tuah ko, Bawipa nih pei na ral Ammon mi hna cungah na phu an hlampiak cang sawk cu,” tiah a ti.