JEREMIAH 44:1 - Lai (Hakha) Common Language Bible 2006

¹ Izipt ram chung Migdol, Tahpanhes, Nof le Pathros ram chungah a ummi Judah mi vialte kongah Jeremiah sin i a rami bia:

JEREMIAH 44:1 ပူးပေါင်းရင်းမြစ်များ

GENESIS 10:14

Pathrus le Kasluh le Kaftor mi hna pa kha a si i cu hna chung cun Filistin mi kha an chuak.

EXODUS 14:2

“Israel mi kha, hnulei ah kir u law Pi-ha-hiroth hmai Migdol le rili karlak, Baal-zefon hmai, rili kamah khan riak u, tiah chim hna.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 19:13

Zoan khua le Memfis khua chung haotu hna cu mihrut an si ko. Annih cu an miphun kha a hruaitu ding an si nain a pingah an kalpi hna.

JEREMIAH 2:16

Memfis mi hna le Tahpanhes mi hna nih nan lu an in khuai hna lai.

JEREMIAH 24:8

Sihmanhsehlaw Judah siangpahrang Zedekiah, a bawile hna le Jerusalem i a nung rihmi hna cu, hi ram chung i an um ah siseh, Izipt ram i an um ah siseh, hi hna vialte cu theipi chia, a chiat tuk ca i ei awkah a tlak lomi bantuk ah khan ka ser hna lai, tiah Bawipa nih a ti.

JEREMIAH 43:13

Izipt ram chung i a ummi Beth-shemesh i tung thiang hna cu a den dih hna lai i Izipt pathian hna biakinn cu a khangh dih hna lai,” tiah a ti.

JEREMIAH 44:15

“Cun an nupile hna nih pathian dang sinah raithawinak an khangh ti a hngalmi pa vialte hna le an pawng i a rak dir lulhmi nu vialte hna nih Jeremiah cu an leh i, ‘Bawipa min in na kan chimhmi cu kan ngai lai lo.

JEREMIAH 46:14

“Izipt ah vung thanh u law Migdol ah aupi tuah u, Memfis le Tahpanhes ah cun thanh tuah u; ‘Dir law timh cia tein um tuah, Zeicahtiah vainam nih na pawngkam cu a ei lai,’ tiah chim u.

JEREMIAH 46:19

Saltang dingin nan thil i tim u, Maw Izipt ram mi hna! Zeicahtiah Memfis hi pakpalawng ah a cang lai i a chungah ahohmanh um loin a ṭiao lai.

EZEKIEL 29:10

Cucaah nangmah le na Nail tiva cu kan ralchanh hna i Izipt cu chuahtakmi ram, khuakheng nih a hrawhmi ram ah, Migdol in Sai-en tiang, cun Kush ramri tiang hrimhrim in ka ser lai.

EZEKIEL 29:14

Izipt cu a vanṭhatnak kha ka pek ṭhan lai i an chuahkehnak ram Pathros ah khan ka kirpi ṭhan lai, cuka ah cun pennak hmete an si lai.

EZEKIEL 30:13

Mah hihi Bawipa Pathian bia cu a si: Nof khua bawi hna le siangpahrang hna cu an donghnak ka phakter hna lai i Izipt ram chungah siangpahrang pakhat hmanh a chuak ṭhan ti lai lo. Khi tikah khi ram chungah ṭihnak kha ka chiah lai i

EZEKIEL 30:14

Pathros ram cu ka hrawh lai i Zoan khua cu mei in ka khangh lai i No khua cungah biaceihnak ka tuah lai.

EZEKIEL 30:16

Izipt cu mei in ka khangh lai i Saien cu nganfahnak in aa kual len lai; No khua kulhnak cu baoh a si lai i tilian cu a chungah an lut hungmang lai.

EZEKIEL 30:18

Tahpanhes ah, Izipt seihnam cu ka chiah tikah, Khika ah chun ceu cu a mui lai; Khi tikah aa uanthlarmi a ṭhawnnak cu tei a si lai; Minmei nih a zelh lai i a fanu hna cu sal ah an taang lai.

HOSEA 9:6

Rawhralnak kha an luat hmanh ah Izipt nih khan a rak i fimhlawm lai i Memfis cu an thlan a si lai; Rili chung thetse tlang nih khan an lawng cu a hrawh hna lai, An ram ah khan belh a kho lai i an umnak hmun ah khan hling an kho lai.