JEREMIAH 43:10 - Lai (Hakha) Common Language Bible 2006

¹⁰ Na tuah lio cu Judah mi nih in hmu hna seh law annih cu, ‘Mah hihi Ralkapbu Bawipa, Israel Pathian bia cu a si, tiah chim hna: Babilon siangpahrang Nebukhadnezzar ka sal cu ka cah lai i hika i ka benhmi lung cungah hin a bawiṭhutdan cu a toh lai i an cungah hin a thladem zarhnak cu a samh lai.

JEREMIAH 43:10 ပူးပေါင်းရင်းမြစ်များ

1 SIANGPAHRANG 20:12

Benhadad nih hi bia cu, siangpahrang hna he thlam chung i zu an din lioah khan a theih tikah, a mi hna cu, “Nan umnak hmun tlai u,” tiah a ti hna. Cun annih nih khua cu doh awkah an umnak hmun kha an tlai cio.

1 SIANGPAHRANG 20:16

Cun Benhadad le a bawmtu siangpahrang sawm thum le pahnih hna cu ri koin thlam chungah zu an din lio chun ah khin, annih cu an va kal.

SALM 18:11

Muihnak in amah le amah cu aa tuam, ti a khatmi khuadawm nakpi nih khan a zulh.

SALM 27:5

Harnak caan ah him tein a thla tangah a ka dorter; a biakinn chungah him tein a ka chiah i a sangmi lungpi cungah a ka chuan.

SALM 31:20

Mi nih thah an timh hna caah na thlam chungah khan na thuh hna i an ral pawl nih an nihsawh khawh hna nakhnga lo na thla tangah na chiah hna.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

ISAIAH 45:1

Sairas cu Bawipa nih a thimmi siangpahrang a si! Bawipa nih amah cu miphun tampi kha tei awkah a fial; siangpahrang kha an lianhngannak phawih awkah a thlah: Bawipa nih khua kulhnak hau kutka hna kha a hunpiak lai. Bawipa nih Sairas cu a thawh i,

JEREMIAH 1:15

Zeicahtiah zohhmanh, chaklei ram hna chung i a ummi miphun vialte kha ka kawh hna, tiah Bawipa nih a ti; cun annih cu an ra lai i Jerusalem kutka luhnak hna ah khan le a velchum vampang vialte hna pawng le Judah ram khua vialte ah khan an bawiṭhutdan cu an chiah cio hna lai.

JEREMIAH 43:9

“Lung ngan pipi i lak hna law Tahpanhes i a ummi Faro siangpahrang inn i luhnak ah khan mirang-vawlei in benh hna.

JEREMIAH 46:13

Babilon siangpahrang Nebukhadnezzar nih Izipt ram tuk awkah a rat tikah, Bawipa nih profet Jeremiah a chimhmi bia:

JEREMIAH 49:38

Khi tikah ka bawiṭhutdan cu Elam ah ka chiah lai i khika siangpahrang le a bawi hna cu ka hrawh hna lai, tiah Bawipa nih a ti.

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.

DANIEL 2:21

Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;

MATTHAI 22:7

Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.