JEREMIAH 42:6 - Lai (Hakha) Common Language Bible 2006

⁶ Kan duh zongah, kan duh lo zongah, a sinah va kal, tiah kan in fialmi Bawipa, kan Pathian cu a bia kan ngaih lai; kan caah a ṭhat nakhnga a bia kan ngaih lai,” tiah an ti.

JEREMIAH 42:6 ပူးပေါင်းရင်းမြစ်များ

SALM 128:2

Rian na ṭuan tikah nangmah pawcawmnak khim na hmuh lai i na lung aa lawm lai i khua awng na pem lai.

SALM 78:36

Sihmanhsehlaw an bia cu lih lawngte a si i an chimmi paoh cu hlennak lawngte a si.

EXODUS 24:7

Cun biakamnak cauk kha aa lak i mi zapi cu aw thangpi in a relpiak hna i annih nih, “Bawipa nih nawl a kan pekmi vialte cu kan tuah dih lai; amah nawl cu kan zulh lai,” an ti.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

JEREMIAH 22:15

Na sidar thing kha a ṭhat deuh ahcun cu nih cun siangpahrang na si kha a langhter maw? Na pa kha ruat hmanh: tlamtling tein ei awk din awk a ngeimi a si, dingte le aa ruang tein thil a timi a si, Cucaah a caah zeizong vialte a ṭha dih.

JEREMIAH 43:4

Cucaah Kareah fapa Johanan le ralkap pawl bawi vialte hna le mi vialte nih cun Bawipa nawl cu ngaih an duh lo i Judah ram chung i um cu an duh lo.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

ROM 7:13

Cuti ti tikah cun a ṭhami nih ka thihnak a tlunter ti a si hnga maw? Si hlah. Thihnak a tluntertu cu sualnak a si. Sualnak nih cun, sualnak a sining taktak kha a langh nakhnga ṭhatnak kha i hman riangmang in ka cungah thihnak kha a tlunter. Cucaah nawlbia thawng khan sualnak a sual zia cu a lang chinchin.

ROM 7:7

A si ah zeitindah kan ti lai? Nawlbia cu a sual hnga maw? Sual hlah. Sihmanhsehlaw sualnak cu sual a si kha a kan hngalhtertu cu Nawlbia cu a si. Nawlbia nih, “Mi thil na mit va thi hlah,” tiah ti hlah seh law, mi thil mitthit cu zeidah a si ti kha ka hngal hnga lo.

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

DEUTERONOMI 5:27

Va naih law, Bawipa kan Pathian nih a chim laimi vialte cu va ngai law, Bawipa kan Pathian nih an chimh laimi vialte cu kan chim ve law, kan theih lai, kan tuah lai,’ nan ti.

DEUTERONOMI 5:29

Keimah ṭih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

JOSHUA 24:24

Cun mi zapi nih cun Joshua cu, “Bawipa kan Pathian cu kan biak lai i amah aw kha kan ngaih lai,” tiah an chawnh.