JEREMIAH 42:4 - Lai (Hakha) Common Language Bible 2006

⁴ Khi tikah profet Jeremiah nih cun annih cu, “Nan bia cu ka theih cang; nan duhnak bangin Bawipa nan Pathian sinah cun thla ka cam lai i Bawipa nih an leh hnanak paoh kha kan chimh hna lai; zeihmanh kan phehmi hna a um lai lo,” tiah a ti.

JEREMIAH 42:4 ပူးပေါင်းရင်းမြစ်များ

SALM 40:10

Khamhnak thawngṭha hi keimah ca lawngah kaa chiah bal lo, zumhawktlak na sinak le na kan bawmhnak hi ka chim zungzal. Na dawtnak a fekmi le zumhawktlak na sinak hi na mi vialte an i pumhnak ah chim loin ka um bal lo.

EXODUS 8:29

Moses nih cun, “Thaizing ah tho nih hin nangmah le na bawi hna le na mi hna kha an in kaltak hna nakhnga, ka kal cangka hin Bawipa sinah thla ka va cam lai. Asinain hlen cu na kan hleng ti hnga lo, Bawipa sin i raithawinak va tuah awkah mi cu kalter loin na thlauh ti hna hnga lo,” a ti.

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

JEREMIAH 23:35

Nanmah lakah nan i chawnh tikah nan hman awk hnga bia cu, ‘Bawipa nih zeitindah a leh?’ ti maw, asiloah, ‘Bawipa nih zeidah a chim,’ ti a si lai.

JEREMIAH 26:2

Bawipa nih Jeremiah cu a thawh i, “Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai.

EZEKIEL 2:7

Annih cu ral thawh hmangmi an si ko caah hin an ngaih duh zongah an ngaih duh lo zongah ka bia cu na chimh ko hna lai.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.

ROM 10:1

Ka u le ka nau hna, ka phun hawi mi hi khamh si hna seh ti cu ka lungthin dihlak in ka duh hringhran ko. An caah Pathian sinah thla ka cam lengmang.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.