JEREMIAH 42:22 - Lai (Hakha) Common Language Bible 2006

²² Cucaah hihi philh hlah u, va kal i va um nan duhnak ram ah hin ral kut le mangṭam le rai in nan thi lai,” tiah a ti.

JEREMIAH 42:22 ပူးပေါင်းရင်းမြစ်များ

ISAIAH 30:3

Asinain Izipt siangpahrang nih khan a bawm kho hna lai lo i Izipt nih, kan huhphenh hna lai, a timi cu rawhralnak in a dong lai.

JEREMIAH 24:10

Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangṭam le rai ka tlunter lai,” tiah a ti.

JEREMIAH 42:17

Izipt ram i va kal i va um awkah aa tim pengmi vialte cu vainam le mangṭam le rai in an thi lai; an cung i ka tlunter laimi ṭhat lonak in a luatmi an um lai lo i a nungmi zong an um lai lo,” tiah a ti.

JEREMIAH 43:11

Cun Izipt cu a doh lai i thah awk kha a thah hna lai i sal i kalpi awk kha a kalpi hna lai i vainam in thah awk kha vainam in a thah hna lai.

JEREMIAH 44:12

Izipt ram chung i um hmun khuar awkah kal aa tim pengmi cu Izipt ram ah cun an donghnak an phan dih lai. A cheu cu nam in an thi lai, a cheu cu mangṭam in an thi lai. A sang he a niam he aa khatrep in vainam in siseh, mangṭam in siseh, an thi lai i annih cu vawlhpamhmi, tuksapur, holhchia tlenghnak le thangchiatmi an si lai.

EZEKIEL 33:27

Mah hihi Bawipa Pathian bia an si, tiah chim hna: Ka nun bangin ka chim, annih cu a rawkmi thil lakah khan vainam in an thi lai; ramlak ah saram hna rawl ah ka ser hna lai, ralhau chung le lungkua chungah rai in an thi lai.

EZEKIEL 6:11

Mah hihi Bawipa Pathian bia a si: “Nan zapei kha beng u law nan ke kha teng hna u, fihnung nan sinak kha ṭah u, maw Israel mi hna.

EZEKIEL 6:12

Mi cu vainam le mangṭam le rai in an thi lai. A hlatnak hmun ah rai in an thi lai, inn ah vainam in an thi lai, cun a tangmi si hna seh, a luatmi si hna seh, mangṭam in an thi lai i cuticun a donghnak ah ka thinhunnak cu a dihnak a phan ve lai.

HOSEA 9:6

Rawhralnak kha an luat hmanh ah Izipt nih khan a rak i fimhlawm lai i Memfis cu an thlan a si lai; Rili chung thetse tlang nih khan an lawng cu a hrawh hna lai, An ram ah khan belh a kho lai i an umnak hmun ah khan hling an kho lai.