JEREMIAH 42:21 - Lai (Hakha) Common Language Bible 2006

²¹ Atu cu kan chimh cang hna, sihmanhsehlaw Bawipa kan Pathian nih nanmah chimh a ka fialmi vialte kha a dihlak in nan al dih.

JEREMIAH 42:21 ပူးပေါင်းရင်းမြစ်များ

SALM 81:12

Cucaah nan lung ṭhawn ning bantukin nan lam kha kan zulhter hna i nan duhmi paoh kha kan tuahter hna.

JEREMIAH 43:1

Bawipa an Pathian nih, annih cu va chim hna tiah a timi bia cu Jeremiah nih a chim tikah, Hashaiah fapa Azariah le Kareah fapa Johanan le an hawile hna nih khan Jeremiah cu ninghngal ngaiin an thawh i

JEREMIAH 43:4

Cucaah Kareah fapa Johanan le ralkap pawl bawi vialte hna le mi vialte nih cun Bawipa nawl cu ngaih an duh lo i Judah ram chung i um cu an duh lo.

JEREMIAH 43:7

hi hna vialte hi Bawipa nawl cu ngai loin Izipt ram chungah cun an vung kal i Tahpanhes kha an phan.

EZEKIEL 2:7

Annih cu ral thawh hmangmi an si ko caah hin an ngaih duh zongah an ngaih duh lo zongah ka bia cu na chimh ko hna lai.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

EZEKIEL 33:32

Annih caah cun aw ṭha ngai, hla dawh sak a thiam ngaimi, tingtang tum a thiammi ceo na si ko; na chimmi cu an ngaih lai, sihmanhsehlaw an tuah hrimhrim lai lo.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

DEUTERONOMI 29:19

Cu bantuk a simi pa nih hi chiatser biakamnak bia kha a theih tikah a lung chungin, ‘Ka lung khonnak hi zul ko hmanh ning law ka him ko lai,’ tiin amah le amah cu thluachuah aa pechom ko hnga. Mah cu nih cun a cin a hnawng le a ro a car an dihlak in rawknak a phakter hna lai.

DEUTERONOMI 30:15

“Zohhmanh, nihin ah nannih hmaiah nunnak le ṭhatnak, thihnak le vanchiatnak kha ka chiah.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —