JEREMIAH 42:20 - Lai (Hakha) Common Language Bible 2006

²⁰ atu ah ralrinnak kan pek hna. Bawipa kan Pathian sinah cun nan ka kalter i, ‘Bawipa kan Pathian sinah thla kan campiak tuah! Nan tuah awk a si, tiah a kan timi paoh kha kan chim law, kan tuah lai’, nan ti.

JEREMIAH 42:20 ပူးပေါင်းရင်းမြစ်များ

SALM 18:44

Ka bia an theih tikah ka nawl an ka zulh, ramdangmi kha ka hmaiah an kun.

SALM 65:3

Mi vialte nih an sualnak cu na hmaiah an phuan lai: kan sualnak cu kan caah a rit tuk hringhran, nangmah lawnglawng nih na kan thianhpiak khawh.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

JEREMIAH 37:3

Siangpahrang Zedekiah nih cun Shelemiah fapa Jehukal le Ma-aseiah fapa tlangbawi Zefaniah kha profet Jeremiah sinah a hei thlah hna i, “Bawipa kan Pathian sinah thla rak kan campiak tuah,” tiah a ti.

JEREMIAH 38:14

Siangpahrang Zedekiah nih profet Jeremiah cu a hei cah i Bawipa inn luhnak kutka a pathumnak khan a sinah cun an luhpi. Siangpahrang nih Jeremiah cu a thawh i, “Bia pakhat in kan hal lai, ka sinin zeihmanh thup hlah,” tiah a ti.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

JEREMIAH 42:5

Cun Jeremiah sinah cun, “Kannih nih kan chiatsernak kha kan zulh lo ahcun, Bawipa cu a ding le zumhtlak tehte kan cungah si ko seh! Bawipa na Pathian nih kannih chimh awkah nangmah an kuatmi paoh cu kan tuah lai, tiah bia kan i kam.

JEREMIAH 43:2

“Lih na chim. Bawipa kan Pathian nih kannih cu Izipt ram i vung kal i vung um kha thlauh awkah nangmah cu an thlah lo.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

NAMBAR 16:38

Sualnak ruang i nunnak a hlomi hna meilaknak hna kha cu an thian caah, cucaah biakṭheng khuhnak ca i denmi kheng ah serter hna, zeitintiah Bawipa hmaiah an pekchanh hna; cucaah an thiang. Cu bangin Israel mi caah hmelchunhnak an si lai, tiah chim tuah,” tiah a ti.

NAMBAR 17:3

Levi ṭhiangṭhunh cungah cun Aaron min na ṭial lai. Zeitintiah, phun khat lu cio caah khan ṭhangṭhunh pakhat a si lai.

MATTHAI 22:35

annih lak i pakhat, Phungbia cawnpiaktu saya a simi nih khan bia in foih a timh.

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

JEIM 1:22

A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u.