JEREMIAH 42:16 - Lai (Hakha) Common Language Bible 2006

¹⁶ nan ṭihmi vainam nih khan khika Izipt ram ah cun an dawi cuahmah ko hna lai i khika ah nan thi lai.

JEREMIAH 42:16 ပူးပေါင်းရင်းမြစ်များ

PHUNGTHLÛKBIA 13:21

Misual mi cu vanchiatnak nih a zulh hna, sihmanhsehlaw miding cu ṭhatnak laksawng an hmu lai.

JEREMIAH 27:8

Zei miphun hmanh si hna seh, zei ram hmanh si hna seh, hi Nebukhadnezzar, Babilon siangpahrang hi a rian a ṭuan duh lo i a hngawngkual tangah hin a hngawng chiah a duh lomi cu, cu hna cu vainam le mangṭam le rai in, amah kut tang i ka umter dih hna hlan tiang, dan ka tat hna lai,’ tiah Bawipa nih a ti.

JEREMIAH 42:13

Sihmanhsehlaw nannih nih, Bawipa nan Pathian cu a nawl ngai loin nan um sual ko hnga i, ‘Hi ram ah hin kan um lai lo.

JEREMIAH 44:27

Nan cung i ṭhatnak tlunter awkah si loin ṭhat lonak tlunter dingah nannih cu ṭha tein kan zoh hna, cun Judah ram mi Izipt ram i a ummi vialte nih pakhat hmanh an taan lo tiangin vainam le mangṭam in an thi lai.

EZEKIEL 11:8

Nannih nih nan ṭihmi cu vainam a si i cu vainam cu nan cungah ka tlunter lai, tiah Bawipa nih a ti.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

JOHAN 11:48

Hitihin kan thlahdorh ko ahcun mi vialte nih an zumh lai. Cun Rom pawl kha an ra lai i kan biakinn he kan miphun he an kan hloh dih lai,” an ti.

DEUTERONOMI 28:15

“Sihmanhsehlaw nihin ah kan pekmi hna phungbia le nawlbia vialte kha fel tein ulh awkah Bawipa nan Pathian bia cu zeirello in nan um ahcun hi chiatnak vialte hi nan cungah a tlung lai i an zulh hna lai.

DEUTERONOMI 28:22

Bawipa nih ngornak, taklinhnak, phinnak le niritnak, rocarnak, thutnak le buarnak in an hrem hna lai; nan rawk hlantiang an in dawi hna lai.

DEUTERONOMI 28:45

A phungbia hna le a nawlbia hna an pekmi hna kha ulh awkah Bawipa nan Pathian aw cu nan ngaih lo caah, nan rawk dih hlantiang hi chiatnak vialte cu nan cungah an tlung lai i, an in zulh hna lai i an in phanh hna lai.