JEREMIAH 41:2 - Lai (Hakha) Common Language Bible 2006

² Nethaniah fapa Ishmael le mi pahra hna nih cun Safan fapa Ahikam i fapa Gedaliah, Babilon siangpahrang nih ram uktu bawi ah a sermi cu an thawhhnawh i vainam in an thah.

JEREMIAH 41:2 ပူးပေါင်းရင်းမြစ်များ

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

2 SIANGPAHRANG 25:25

Sihmanhsehlaw thla sarihnak thla ah khan Elishama fapa Nethaniah i fapa Ishmael, siangpahrang chungkhar chungmi a simi kha, mi pahra he an ra i an tuk hna i Gedaliah le Mizpah ah a sin i a ummi Judah mi le Khaldi mi hna kha an thah hna.

SALM 109:5

Ṭhatnak kha chiatnak in an ka lehrulh i dawtnak kha huatnak in an ka cham.

SALM 41:9

Ka hawi ṭha bik, ka zumh bikmi, rawl a ka hrawng lengmangmi hmanh kha ka ral ah a cang.

JEREMIAH 40:14

amah cu an thawh i, “Ammon mi siangpahrang Baalis nih Nethaniah fapa Ishmael kha nangmah thah awkah a thlah kha na hngal maw?” an ti. Sihmanhsehlaw Ahikam fapa Gedaliah nih a zum hna lo.

JEREMIAH 40:16

Sihmanhsehlaw Ahikam fapa Gedaliah nih Kareah fapa Johanan cu, “Cu bantuk cu tuah hlah. Ishmael kong i na chimmi cu lih a si,” tiah a leh.

JEREMIAH 40:5

Cun Jeremiah nih a leh hlanah khin Nebuzaradan nih cun, “Babilon siangpahrang nih Judah ram khua hna a uktu ah a sermi Gedaliah sinah khan va kir ṭhan law amah sinah cun langhngan in va um ko, asiloah, na duhnak paoh ah va kal ko’, a ti,” tiah a peh. (Gedaliah cu Ahikam fapa a si, Ahikam cu Safan fapa a si). Cun ralvengtu haotu nih cun i cawmnak rawl a pek i laksawng a ṭhenh i a kaltak.

JEREMIAH 40:7

Ramlak i a ummi raltho pawl haotu vialte hna le an mi hna nih, Babilon siangpahrang nih Ahikam fapa Gedaliah kha ram uktu bawi ah a ser i amah cu Babilon i kalpi lomi a derthawm bikbik hna pawl, nu hna le pa hna le ngakchia hna zohkhenhtu ah khan a chiah, ti an theih tikah,

JEREMIAH 40:8

a sinah Mizpah ah cun an ra. Nethaniah fapa Ishmael kha a ra, cun Kareah fapa Johanan le Jonathan kha an si, cun Tanhumeth fapa Seraiah, cun Netofah mi Efai fapa hna, cun Beth-maakah mi Jazaniah le a mi hna kha an si.

JEREMIAH 41:3

Mizpah ah Gedaliah sin i a ummi Judah mi vialte hna le khika i Khaldi mi ralkap a rak um sualmi hna zong kha an thah hna.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.