JEREMIAH 4:5 - Lai (Hakha) Common Language Bible 2006

⁵ Ram chung dihlak ah muko kha tum u! Fakpi le fiang tein au u! Judah ram mi Jerusalem khuami kha, Kulhmi khua ah tli u, tiah chim hna u.

JEREMIAH 4:5 ပူးပေါင်းရင်းမြစ်များ

ISAIAH 28:19

Zing khat hnu zing khat an den chih lengmang hna lai i chun he zan he nan in a hau lai. Pathian sinin a rami bia thar paohpaoh nih ṭihnak thar an rak i ratpi lai.

JEREMIAH 11:2

Hi biakamnak bia hna hi ngai law Judah ram chung mi hna le Jerusalem khuami hna cu va chim hna.

JEREMIAH 35:11

Sihmanhsehlaw Babilon siangpahrang Nebukhadnezzar nih hi ram a ra doh tikah, “Ra u law Khaldi mi ralkapbu hna le Aramean mi ralkapbu a ra liomi hna hlanah hin Jerusalem ah kal u si,” a kan ti i cucaah Jerusalem ah hin kan um,’ an ti.

JEREMIAH 5:20

Mah hihi Jakob innchungkhar kha va chim hna u, Judah ram chungah aupi tuah u:

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

JEREMIAH 8:14

Zeicahdah nan ṭhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah Bawipa cungah kan sual caah, Bawipa kan Pathian nih hrawh awkah a kan ruah cang i Sivai paihmi ti kha din awkah a kan pek cang.

JEREMIAH 9:12

Zeicahdah hi ram cu ram thi ah a can i thetse ram bantukin a ro i aho pal lomi a si? Hi kong hngalhnak caah hin ahodah a fimnak aa zami cu a si? Midang kha a chimh khawh hna nakhnga ahodah Bawipa nih lungthin a cheuhmi cu a si? tiah Jeremiah nih a ti.

EZEKIEL 7:14

Muko cu an tum cang, zeizong vialte timh a si dih cang, sihmanhsehlaw ahohmanh ral dohnak ah an kal lo.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

JOEL 2:1

Zion ah muko kha tum tuah u, Ka tlang thiang cungah launak thawng kha thanh tuah u; Bawipa cu a phak dengmang cang caah Judah ram chung i a ummi vialte cu ther dih hna seh.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

AMOS 3:8

Chiandeih a huk, ahodah ningṭi loin a um kho? Bawipa Pathian nih bia a chim: ahodah chim loin a um kho?

NAMBAR 10:2

“Ngun muko pahnih in ser tuah; a den in denmi an si lai; mi zapi kawhnak le riahhmun in thawhter hnanak caah na hman lai.

NAMBAR 10:3

Cun an pahnih in tum an si tikah mi zapi cu an dihlak in tonnak thlam innka ah khan nangmah sinah an i pum lai.

JOSHUA 10:20

Joshua le Israel mi hna nih an ci a mih hlantiang an thah cikcek hna tik le a tangmi tete hna cu kulhmi khua chungah an luh tikah,