JEREMIAH 4:30 - Lai (Hakha) Common Language Bible 2006

³⁰ Maw nang, ṭiaotakmi, puan sen in naa thuamh i sui hlawn in naa ṭamh i Na mit hna cu thuhmi si in na kauhter hna hi, a sullam zeidah a si? Pakpalawng ah pei naa ṭamh ko cu. Na tlangval hna nih an in nihsawh i na nunnak kha lakpiak an in timh.

JEREMIAH 4:30 ပူးပေါင်းရင်းမြစ်များ

2 SIANGPAHRANG 9:30

Jehu cu Jezreel i a rat kha Jezebel nih a theih; cun a mit kha zeilo aa thuh i a lu kha aa ṭamh i thlalangawng in khua a hei cuan.

PHUNGTHLÛKBIA 6:25

Aa dawhnak cu na lung chungin duh hlah, a mithmul nih nangmah cu in hreng hlah seh;

PHUNGTHLÛKBIA 7:10

Cun zohhmanh, minu pakhat nih a rak don; Cu nu cu hlawhhlangnu thuam in aa thuam i hmaikhuh puan kha aa khuh.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

ISAIAH 20:6

Cu caan a phak tikah Filistia ram rili kam i a ummi hna nih, ‘Assiria siangpahrang sinin an kan huhphenh lai tiah kan rak i bochanmi hna kha zoh hna hmanh u. Zeitindah kannih zong kan nun bal rua hnga,’ an ti lai,” tiah a ti.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

JEREMIAH 13:21

Ka hawikom an si tiah na ruahmi hna kha na cung i uktu ah chiah an si tikah zeidah na chim lai? Nau nganfah a ingmi nu bantukin nganfahnak kha na in lai.

JEREMIAH 22:23

Maw Lebanon i a ummi hna, Sidar thing lak i bu a sami hna, Nau nganfahnak bantuk nganfahnak nan cung i a phak tikah, Zeitluk in dik nan hei i lawngh len te lai!

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

ṬAHNAK HLA 1:19

A ka dawtu kha ka kawh hna, Sihmanhsehlaw zumhawktlak an si ti lo; Khua chung i a ummi ka tlangbawi hna le upa hna kha, An thazang hrimh ṭhan awk caah rawl an kawl nain, Zeihmanh an hmu lo.

ṬAHNAK HLA 1:2

Zan ah lunghno in a ṭap, A bel ah a mitthli a luang; Amah a dawtu hna lakah khan A hnemtu pakhat hmanh an um lo; A hawi vialte cu rawitu ah an cang dih i a ral ah an i cang dih.

ṬAHNAK HLA 4:17

Kan mithram cat in bawmhnak a ra hnga maw tiah kan zoh, Sihmanhsehlaw zeihmanh a um lo. Kannih a kan khamh kho ṭung lomi miphun kha kan hngah filfial ko.

EZEKIEL 28:13

Pathian dum Eden dum chungah khan na rak um i Lungvar a phunphun in naa ṭamh: Naa ṭamhnak lungvar hna cu sardin le khrisolaih le lunghring le topaz le karnelian le jasper a hringmi le lapis lazuli le safaiar le karbankal le emeral an si. A ring cherhmarhmi na ṭhi cu sui an si i Naa menhmi na hniar hna cu hrin na si ni i an in serpiakmi kha an si.

EZEKIEL 28:9

Nangmah an thattu hna nih an in dir-onh tikah khan, Pathian ka si, na ti ko rih lai maw? Nangmah an thattu hna kut chungah chungah cun, pathian na si lo, minung na si ko.

OBADIAH 1:7

Nangmah sin i a ṭangmi hna nih khan an in hlen i Na ram chungin an in dawi cang. Nangmah he i rem tein a rak ummi hna nih khan an in tei cang. Na sin i ti ding rawl ei in a ummi na hawile nih khan rap an in chiahhnawh cang i, “A fimnak vialte kha tah khuazei ah dah a si kun?” an in ti.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

BIAPHUAN 17:13

Hi pahra hna nih hin an dihlak in tinhmi pakhat an ngei i an ṭhawnnak le an nawl ngeihnak cu sahrang kha an pek.

BIAPHUAN 17:2

Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

BIAPHUAN 17:4

Nu cu maimaw le puansen in aa thuam i sui hlawn le lungvar le pale lungvar in aa ṭamh. A kut in sui hrai pakhat aa put i cu sui hrai cu fihnung le ṭeifiak in a khat, cu fihnung le ṭeifiak cu a sualnak theitlai kha an si.