JEREMIAH 4:28 - Lai (Hakha) Common Language Bible 2006

²⁸ Cucaah vawlei cu a ngaih a chia lai i cunglei van hna cu an nak dih lai; Keimah nih ka chim cang i ka timh cangmi a si caah Kaa ngaihchih lai lo i ka lung zong kaa let lai lo.”

JEREMIAH 4:28 ပူးပေါင်းရင်းမြစ်များ

ISAIAH 24:4

Vawlei cu a ro i a car; vawlei cu a uai in a uai; van zong vawlei zong an rop dih.

ISAIAH 34:4

Ni le thlapa le arfi cu an kuai lai i leidip ah an cang lai. Van cu cazual bantukin aa zual lai i arfi cu mitsur ruang hnah ṭilh bantuk le theipi kung hnah tlak bantukin an ṭil lai.

ISAIAH 5:30

Cu ni a phak tikah cun Israel cu an hawhawthnawh lai i an aw cu rili thawng bantuk a si lai. Hi ram hi zohhmanh u! Muihnak le harnak lawng a si ko. Ceunak cu muihnak nih a dolh cang!

ISAIAH 50:3

Van khi, mithi ngai seh law cu bang, a muih in ka muihter khawh,” a ti.

JEREMIAH 12:11

Ṭiaotakmi hmun, ram pakpalawng le ti um lonak hmun ah an ser i ka ngaih a chia. Ram cu a ning piin thetse ram ah a cang cang, sihmanhsehlaw ahohmanh an zei a poi lo.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JEREMIAH 23:20

Bawipa thinhunnak cu, a lung chung tinhmi kha a tuah i a tlinh hlanah cun aa let lai lo. Hmailei caan ah mah hihi fiang tein nan hngalh te lai.

JEREMIAH 30:24

Aa tinhmi le a duhnak kha a tlinh hlan le a lim hlanah cun a dong lai lo. Mah hi kong hi hmailei ah fiang tein nan hngalh te lai.

JEREMIAH 51:12

Babilon kha tu cang u, tiah hmelchunhnak alan thlai cang u. Ralvengtu kha chap hna u, sentari kha chia hna u, lamhruang attu dingmi kha chia hna u!” an ti. Bawipa nih tuah a timhmi kha a tuah cang i Babilon mi hna cungah ka tuah lai tiah a timi kha a tuah cang.

JEREMIAH 7:16

Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.

ṬAHNAK HLA 2:17

Bawipa nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

EZEKIEL 24:14

“Bawipa nih ka chim cang; a caan cu a ra lio ko, ka ṭuan lai. Kaa sum lai lo, zaangfahnak zong ka ngei lai lo, a let zong kaa let lai lo; nangmah cu na ziaza le na tuahmi vialte ruangah khan bia kan ceih lai. Mah hihi Bawipa bia hrimhrim a si,” tiah a ti.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

JOEL 1:10

Lo cu a lawng piin a um ko, a romi vawlei cu a ṭah in a ṭap; Zeicahtiah rawl cu a rawk cang, mitsur hang thar cu ruahchan awk zeihmanh a um lo i chiti cu a car ko.

ZEKHARIAH 8:14

Mah hihi ralkapbu Bawipa bia a si: Nan pupa hna nih ka thin an ka phawh i nannih cu hrawh awkah ka ruah tikah khan ka thin ka ṭhumh lo bantukin,

MATTHAI 27:45

Chun in zanlei suimilam pathum tiang cu ram cu a dihlak in muihnak nih a khuh i

MARKA 15:33

Chun ah cu ram cu a dihlak in muihnak nih suimilam pathum chung a khuh.

LUKA 23:44

Chun suimilam hleihnih tluk ah ni cu a mui i muihnak nih ram cu a pumpuluk in zanlei suimilam pathum tiang a khuh;

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

HEBRU 7:21

Sihmanhsehlaw Jesuh cu chiatser tein tlangbawi ah ser a si i Cathiang nih amah kong ah cun, “Bawipa nih chiatser tein bia a chim cang i a bia cu a let lai lo: ‘Nangmah cu zungzal in tlangbawi na si lai,’ a ti,” tiah a ti.

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.

1 SAMUEL 15:29

Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si ṭung lo,” tiah a ti.