JEREMIAH 4:19 - Lai (Hakha) Common Language Bible 2006

¹⁹ Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 4:19 ပူးပေါင်းရင်းမြစ်များ

GENESIS 49:6

An biathli ah khan kaa tel duh lai lo, an i pumhnak ah khan ka um duh lai lo, zeicahtiah an thin a hun tikah mi kha an thah hna i siamsaknak men ah cawtum kha an tha an pheh hna.

2 SIANGPAHRANG 4:19

Cun a pa cu a thawh i, “Maw ka lu, ka lu!” tiah a ti. A pa nih a sinumpa kha, “A nu sinah hei cawi tuah,” tiah a ti.

2 SIANGPAHRANG 8:11

Cun dengteo in a ning a zah tiang ṭhep loin a zoh. Cun Pathian mi cu a ṭap.

SALM 103:1

Maw ka nunnak, Bawipa cu thangṭhat tuah! Ka sining vialte, a min thiang cu thangṭhat tuah u!

SALM 116:7

Bawipa cu ka cungah a ṭhat caah, maw ka nunnak, hnangam tein um ko.

SALM 119:136

Mi nih na phunglam kha zulh an duh lo caah an mitthli cu tiva bangin a luang.

SALM 119:53

Miṭhalo nih na phunglam an hrawh ka hmuh tikah ka thin a hung.

SALM 146:1

Bawipa cu thangṭhat u! Maw ka nunnak, Bawipa cu thangṭhat ko!

SALM 16:2

Bawipa cu ka thawh i, “Nangmah cu ka Bawipa na si; thil ṭha ka ngeihmi vialte hi nangmah sinin ka hmuhmi an si,” ka ti.

ISAIAH 15:5

Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

ISAIAH 16:11

Moab caah ngaihchia in ka hram i Kir Heres caah lungfak in ka ai.

ISAIAH 21:3

Langhnak chung i ka hmuhmi nih ka thla an hlauh i ka ngan an ka fahter, nau nganfah a ingnu nganfah bantukin.

ISAIAH 21:4

Ka lung a mit, ka ṭih tuk ah a ther in ka ther. Zanlei cu phan cang ko seh ti ka duh hringhran, sihmanhsehlaw zei dang um loin thlalaunak lawnglawng a ka phorh.

ISAIAH 22:4

Cucaah cun diriam tein ka ṭah nakhnga, ka dawn hlah u. Ka mi hi zat riamruam an thih caah hin, hnemh ka zal hlah u.

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 20:9

Bawipa kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo.

JEREMIAH 23:9

Profet hna kong ah Jeremiah nih hitin a ti: Ka chung thukpi ah hin ka lung cu a kuai i Ka ruh hna chungah hin thazang zeihmanh a um lo; Bawipa bia ruangah, ṭih a nungmi a bia ruangah zuri bantuk ka si cang, zu nih a teimi bantuk ka si cang.

JEREMIAH 4:21

Zei can dah alan cu thlai a si kha ka hmuh peng ko lai i Muko aw thawng cu ka theih lai?

JEREMIAH 4:5

Ram chung dihlak ah muko kha tum u! Fakpi le fiang tein au u! Judah ram mi Jerusalem khuami kha, Kulhmi khua ah tli u, tiah chim hna u.

JEREMIAH 42:14

Izipt ram tu ah kan kal ko lai, khika ah cun ral dohnak kha kan hmu ti lai lo i muko aw thawng kha kan thei ti lai lo, rawl um lo ruangah rawlṭam in kan um lai lo i

JEREMIAH 49:2

Cucaah zohhmanh, Ammon mi hna khua Rabbah ah khan raltuknak thawng ka thanter lai caan kha a ra lio, tiah Bawipa nih a ti; Ṭiaotakmi hnawmpon ah a cang lai i a khuate hna cu mei in khangh cikcek an si lai i Israel nih a rak pawnchuahtu hna kha a pawnchuah ve hna lai, tiah Bawipa nih a ti.

JEREMIAH 50:22

Ram chung i ral tuknak thawng le rawhralnak thawng nganpi cu ngai hmanh u!

JEREMIAH 6:24

Cu thawng an chimmi cu kan theih i Kan kut hna cu thazang ngei loin an uai dih; Nu nih nau nganfah an inmi bantuk nganfahnak nih a kan tlaih.

JEREMIAH 8:18

Zeitindah ka ngaihchiatnak hi ka in khawh lai? Ka lung si a vang.

JEREMIAH 8:21

Ka mi hna cu hma an in kha ka hmuh tikah ka lungre a thei; Ngaihchiat in ka ṭap i ka lung a dong cikcek.

JEREMIAH 9:1

Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

ṬAHNAK HLA 1:16

Hi thil hna ruangah hin ka ṭap i Ka mit cu mitthli in a luang; Keimah hnemtu ding le ka thazang hrimhtertu ding cu lamhlapi lawngah an um. Ka fapale hna cu lileng in an um, Ral nih a tei hna caah.

ṬAHNAK HLA 1:20

Maw Bawipa, zeitluk in dah ka lungre a theih hi run zoh tuah. Ka lung si a vang i Ka chungthin aa let dih, Nangmah kha zeihmanh ruat loin kan doh caah a si. Vainam nih khualak lam ah ngakṭah a ser hna i Rai nih inn chungah ngakṭah a ser hna.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 7:15

Langhnak ka hmuhmi hna nih cun ka khuaruah an ka harter i ka lungre a thei ngaingai.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

NAMBAR 10:9

Cun nannih an hremtu hna nan ral he nan ram chung i nan i doh tikah muko cun ralrinnak nan tum lai, Bawipa nan Pathian hmaiah hngalh nan si camcin i nan ral hna sinin khamh nan si nakhnga.

ROM 10:1

Ka u le ka nau hna, ka phun hawi mi hi khamh si hna seh ti cu ka lungthin dihlak in ka duh hringhran ko. An caah Pathian sinah thla ka cam lengmang.

1 KORIN 14:8

Cun muko tumtu zong nih fiang tein a tum lo ahcun, ahodah raltuknak hmun ah cun a chuak lai?

GALATI 4:19

Ka dawtmi ka fale hna, naunganfah nan caah ka ing ṭhan hoi; nan chung i Khrih sining a um hlan paoh cu ka ing zungzal ko lai.

BIACEIHTU 5:21

Kishon tiva nih a fenh hna, A luangmi ti tha, Kishon tiva tha nih cun, a fenh hna. Hmailei ah ṭhawnnak he kal chin ko, ka nunnak!