JEREMIAH 39:8 - Lai (Hakha) Common Language Bible 2006

⁸ Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

JEREMIAH 39:8 ပူးပေါင်းရင်းမြစ်များ

2 SIANGPAHRANG 25:8

Thla nganak thla, a ni sarihnak ni ah, cucu Babilon siangpahrang Nebukhadnezzar Siangpahrang a bawi kum hleikuanak a si — Babilon siangpahrang sinum, a pum ralvengtu haotu Nebuzaradan kha Jerusalem ah a ra.

2 CHANRELNAK 36:19

Cun Pathian inn cu an khangh i Jerusalem khua kulhnak vampang cu an chimh hna i a chung i siangpahrang inn vialte cu mei in an khangh hna i a umkheng mansung vialte cu an hrawh dih hna.

NEHEMIAH 1:3

Cun annih nih an ka thawh i, “Saltannak chungin a luatmi khika ram i a nung rihmi hna cu harnak nganpi chung le ningzahnak chungah an um ko; Jerusalem kulhnak vampang hna cu an cim dih i a kutka hna cu mei nih a hrawh dih hna,” an ti.

SALM 79:7

Annih nih kan mi kha an thah hna i kan ram kha an hrawh dih.

ISAIAH 5:9

Cun Ralkapbu Bawipa nih a chimmi kha ka theih i, “Hi inn ngan pipi le inn ṭhaṭha hna hi an rawk dih lai.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

JEREMIAH 21:10

Hi khua hi ka hmai ka thuhtak cang, an cung i ṭhatnak tuahnak ding caah si loin chiatnak tuahnak ding caah a si lai. Babilon siangpahrang sinah khan pek a si lai i mei in a khangh lai, tiah Bawipa nih a ti,” tiah a ti.

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

JEREMIAH 34:2

Mah hihi Bawipa, Israel Pathian bia cu a si: “Va kal law Judah siangpahrang Zedekiah cu va chim, mah hihi Bawipa bia a si: Hi khua hi Babilon siangpahrang kut chungah ka pek lai i mei in a khangh lai.

JEREMIAH 34:22

Keimah nih nawl ka pek hna lai i hi khuapi ah hin an ra kir ṭhan lai. An tuk lai, an lak lai i an khangh dih lai. Judah ram khua hna cu ahohmanh an um lonak thetse ram bantuk ah ka ser hna lai, tiah Bawipa nih a ti.

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

JEREMIAH 38:18

Sihmanhsehlaw Babilon siangpahrang i a bawi hna sinah naa pek lo a si ahcun, hi khua hi Khaldi mi hna kut chungah pek a si lai i an khangh lai i nangmah zong an kut in na luat lai lo,” tiah a ti.

JEREMIAH 5:10

A mitsur ruang tlar hna lakah cun hung kal law hung hrawk hna, Sihmanhsehlaw donghnak taktak cu hung tuah hlah; An nge cu hung sam dih hna, Bawipa ta an si lo caah.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

ṬAHNAK HLA 1:10

A ro vialte kha tlaih awkah a ral nih a kut kha a chuah; Khi tikah khan, nangmah na mibu chungah luh awk na thlauhmi Jentail mi hna a hmunthiang chung i an luh kha a hmuh hna.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

ṬAHNAK HLA 2:7

Bawipa nih amah biakṭheng lila kha a hlawt i A hmunthiang kha chiat a serh. A inn vampang hna cu ral kut chungah khan a pek hna; Bawipa innchung hrimhrim ah khan Puai tuah ni i teinak hawhawt bantukin an au.

EZEKIEL 16:41

Na inn kha an khangh hna lai i nu tampi hmuh hngan ah bia an in ceih lai. Nupa sualnak na tuahmi kha ka donghter lai i nangmah an duhtu hna sinah khan zeitikhmanh ah a man na pe ti lai lo.

EZEKIEL 23:47

Ralkap nih khan annih cu lung in chep hna seh law an vainam in sam cikcek hna seh, an fapa hna le an fanu hna kha that hna seh law an inn kha khang dih hna seh.

EZEKIEL 33:21

Ral i kan taan kum hleihnih kum, thla hra thla, ni nga ni ah, Jerusalem khua in a rami ralzam pakhat ka sinah a ra i Jerusalem khua cu a rawk cang, tiah a ka chimh.

AMOS 2:5

Cucaah Judah cungah mei ka thlah lai i Cu mei nih cun Jerusalem ralhruang vialte kha a kangh dih hna lai.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.