JEREMIAH 39:4 - Lai (Hakha) Common Language Bible 2006

⁴ Judah siangpahrang Zedekiah nih a hmuh hna tikah, amah a cawngtu ralkap hna he cun an zam i zan ah siangpahrang dum lam khan, Vampang Pahnih Karlak timi kutka khan an le. Arabah leiah khan an zam,

JEREMIAH 39:4 ပူးပေါင်းရင်းမြစ်များ

2 CHANRELNAK 32:5

Rianṭuan awkah khan lung fek tein aa tim i a cimmi vampang kha a remh i a cungah innsang a sak i a lengah vampang dang pakhat a ser ṭhan; cun David khua i Millo kha fek chin in a tuah. Cun hriamnam le phaw kha tampi a ser hna.

ISAIAH 22:11

kulhnak vampang chungah khan tikhonnak inn nan sak i a hlunmi tidil in a rung luangmi ti kha nan khon. Sihmanhsehlaw hi thil vialte hlan piin a rak khangtu, hi thil a tluntertu Pathian cu zeihmanh ah nan rel lo.

ISAIAH 22:3

Nan haotu vialte kha, an zam dih i thal fang khat thlah hlanah an ral nih an tlaih dih hna.

ISAIAH 29:2

cun “Pathian biakṭheng” timi khua ah cun Pathian nih harnak a tlunter lai. Ṭahnak le aihramnak a um lai i a khua hrimhrim kha raithawinak an khanghnak biakṭheng ah a cang lai.

JEREMIAH 32:4

“Zedekiah Siangpahrang hi Babilon mi hna kut in a luat lai lo. Babilon siangpahrang sinah khan pek a si lai i amah cu hmaitonh tein a hmuh lai i a pum hrimhrim in a chawnh lai.

JEREMIAH 32:5

Zedekiah cu Babilon ah an kalpi lai i khika ah a cung i rian ka ṭuan hlantiang a um lai. Babilon mi kha do hmanh hna seh law, a tei hna lai lo, tiah Bawipa nih a ti, tiah Jeremiah cu na chim”, tiah Zedekiah Siangpahrang nih cun a ti i cucaah khika ah khan thong i a thlaknak cu a si.

EZEKIEL 12:12

An siangpahrang fapa nih khan thil kha mui ah aa khinh lai i a chuahnak ding ca i an sermi awng khan a chuak lai, amah cu ahohmanh nih an hmuh khawh nakhnga lo le amah zong nih vawlei kha a hmuh khawh nakhnga lo, a hmai kha aa khuh lai.

EZEKIEL 12:4

Na thil kha chuah hna law ral taannak chung i a kal ding bantukin i tim; an hmuhhngan te ah chun ah tuah law cun zanlei ah cun an hmuh hngan ṭhiamṭhiam ah saltannak chung i a kal dingin na inn in i thawh tuah.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

AMOS 2:14

A khul a rangmi zong kha a zam hmanh ah a him hlei lai lo, A ṭhawngmi zong kha a ṭhawnnak cu san a tlai hlei lai lo; Ralkap zong nih khan amah le amah aa khamh kho hlei lai lo.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.