JEREMIAH 39:17 - Lai (Hakha) Common Language Bible 2006

¹⁷ Sihmanhsehlaw nang cu khi ni ah cun kan huhphenh lai i na ṭihmi hna kut chungah chanh na si lai lo,’ tiah Bawipa nih a ti.

JEREMIAH 39:17 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

2 SAMUEL 24:14

Cun David nih Gad cu a thawh i, “Harnak nganpi chungah ka um; Bawipa kut chungah cun tla ko u sih, zeitintiah anih cu a zaangfahnak a ngan, sihmanhsehlaw minung kut chungah cun tla sawh hlah u sih,” tiah a ti.

1 SIANGPAHRANG 18:15

Cun Elijah nih a thawh i, “A hmai i ka dirmi ralkapbu Bawipa nih a nun bangin, nihin ah amah sinah kaa langh hrimhrim lai,” tiah a ti.

1 SIANGPAHRANG 18:16

Cucaah Ahab kha va ton awkah Obadiah cu a kal i a va chimh; cun Ahab cu Elijah ton awkah khan a kal.

2 SIANGPAHRANG 6:16

Anih nih a thawh i, “Ṭih hlah, zeitintiah kan sin i a ummi hna cu an sin i a ummi hna nakin an tam deuh,” tiah a ti.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

JEREMIAH 38:1

Mattan fapa Shefatiah, Pashhur fapa Gedaliah, Shelemiah fapa Jukal le Malkhiah fapa Pashhur nih mizapi sinah Jeremiah nih a chimmi kha an theih. Amah nih a chimhmi hna cu

JEREMIAH 38:9

“Siangpahrang ka bawipa, hi mi hna nih profet Jeremiah cung i an tuahmi hi a ṭha hrimhrim lo. Annih nih khor chungah an hlonh i khua chung i rawl a um ti lo tikah a umnak hmun ah khan rawl ṭam in a thi lai,” tiah a ti.

DANIEL 6:16

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.