JEREMIAH 39:10 - Lai (Hakha) Common Language Bible 2006

¹⁰ Ralvengtu hna haotu Nebuzaradan nih cun zeihmanh a ngei lomi misifak tlawmpal hna kha Judah ram ah cun a nganhta hna i mitsur dum cawngtu le rianṭuantu ah a ser hna.

JEREMIAH 39:10 ပူးပေါင်းရင်းမြစ်များ

2 SIANGPAHRANG 25:12

Sihmanhsehlaw ralvengtu haotu nih khan ram chungmi lak i sifak bik hna kha mitsur ruang a run cawnghramtu le lo a run thlotu ah a nganhta hna.

ISAIAH 7:21

“Cu caan a phak tikah lothlopa pakhat nih cawpino pakhat le mehehpi pahnih lawng a ngeih hmanh ah,

JEREMIAH 40:10

Kei cu Mizpah ah hin ka um lai i Khaldi mi hna hi an rat paoh ah ka rak zohkhenh hna lai; sihmanhsehlaw nannih cu mitsur hang le ṭhal caan theitlai hna le chiti kha pum hna u law um chungah khan khong hna u law nan lakmi khua hna chungah khan um ko hna u,” tiah a ti hna.

JEREMIAH 40:7

Ramlak i a ummi raltho pawl haotu vialte hna le an mi hna nih, Babilon siangpahrang nih Ahikam fapa Gedaliah kha ram uktu bawi ah a ser i amah cu Babilon i kalpi lomi a derthawm bikbik hna pawl, nu hna le pa hna le ngakchia hna zohkhenhtu ah khan a chiah, ti an theih tikah,

JEREMIAH 43:6

pa he nu he ngakchia he siangpahrang fanu hna he, cun ralvengtu haotu Nebuzaradan nih Safan fapa Ahikam i fapa Gedaliah sinah a chiahtakmi paohpaoh le profet Jeremiah le Neriah fapa Baruk zong kha an pumh dih hna;

JEREMIAH 52:16

Ralvengtu ralkap hna haotu Nebuzaradan nih cun ram chung misifak bikbik hna kha mitsur dum zohkhenhtu le rianṭuantu ah a chiah ta hna.

ZEKHARIAH 11:7

Cucaah tuurun cu thah awkah a cawtu hna caah cun ka thauter hna. Fung pahnih ka lak hna i pakhat cu a min ah Lawmhnak ka sak i a dang pakhat cu Fonhnak ka sak; cuticun tuurun cu ka thauter hna.