JEREMIAH 38:7 - Lai (Hakha) Common Language Bible 2006

⁷ Cun Ethiopia mi, tildit Ebed-melek, siangpahrang innchung i a ummi nih, Jeremiah cu tikhor chungah an thlak ti kha a theih tikah, siangpahrang cu Benjamin Kutka i a ṭhut lioah khan

JEREMIAH 38:7 ပူးပေါင်းရင်းမြစ်များ

2 SIANGPAHRANG 24:15

Cun Jehoiachin cu Babilon ah a kalpi; siangpahrang i a nu, siangpahrang i a nupi hna, a bawi hna le ram chung santlai bikmi hna cu Jerusalem in Babilon ah sal ah a hruai hna.

SALM 68:31

Izipt ram in cozah nih thlahmi lamkaltu an ra lai; Ethiopia mi nih Pathian sinah thlacam in an kut an hler lai.

PHUNGTHLÛKBIA 29:10

Thisen chuah a duhmi hna nih cun a sual lomi kha an huat, Sihmanhsehlaw miding mi nih cun a nunnak kha an humhakpiak.

ISAIAH 56:3

Bawipa mi sin i aa fonmi ramdangmi nih khan, “Bawipa nih a mi hna sin i biak ve cu a ka sianh lai lo,” tiah ti hlah seh. Tilditmi nih khan, kannih cu Bawipa mi hna lakah kan i tel kho lai lo, ti hna hlah seh.

JEREMIAH 13:23

Ethiopia mi nih a cuar kha aa thlen khawh maw? Cakei nih tah a ṭial kha aa thlen khawh maw? I thleng kho hna seh law cu, nannih ṭhat lonak dah ti lo zeidang tuah a thiam lomi zong nih hin ṭhatnak kha nan tuah ve hnga.

JEREMIAH 20:2

Jeremiah cu fung in a tuk i hreng a khenh i Bawipa inn chung i Cunglei Benjamin Kutka timi ah khan a chiah.

JEREMIAH 26:16

Cun bawi hna le mi vialte nih cun tlangbawi le profet kha an thawh hna i, “Hi mipa hi thah awk a si lo, zeicahtiah kan sinah Bawipa kan Pathian min in bia a chim ko,” tiah an ti.

JEREMIAH 29:2

Mah cucu Jekoniah siangpahrang le a nu siangpahrang bawinu le tilditmi hna le Judah le Jerusalem bawi hna le zungthiam hna le soser hna kha, Jerusalem khua in an kal hnuah a ṭialmi a si.

JEREMIAH 37:13

Cun Benjamin kutka a phak tikah khan, ralvengtu pakhat a min Irijah a simi nih profet Jeremiah cu, “Khaldi mi hna sinah zam naa tim,” tiin a ti i a tlaih. Irijah cu Shelemiah fapa a si i Shelemiah cu Hananiah fapa a si.

JEREMIAH 38:8

a va fuh i siangpahrang cu a thawh i,

AMOS 5:10

Ṭhat lonak tuahtu zung i a chuahpitu a hua i Biatak a chimmi a fihmi hna:

ZEKHARIAH 14:10

Ram cu a ning piin Geba in Timmon thlanglei tiang a rawnmi Arabah ram bantukin a rawn lai; sihmanhsehlaw Jerusalem cu amah a hmunte ah khan sang piin a dir ko lai, Benjamin Kutka in A Kil Kutka timi tiang cucu hmasa deuh kutka a rak dirnak hmun kha a si. Hananel Innsang in Siangpahrang mitsur nennak tiang, a chungah mi an khat lai.

MATTHAI 20:16

Cuticun a hmanung bik kha a hmasa bik an si lai i a hmasa bik kha a hmanung bik an si lai,” tiah Jesuh nih a ti.

DEUTERONOMI 21:19

a nu le a pa nih an tlaih lai i a khuachung upa hna sinah, a umnak khua hauka ah cun an chuahpi lai,

JOSHUA 20:4

Hi khua pakhatkhat ah hin a va zam lai i khua luhnak kutka ah cun a dir lai i khi khua upa hna sinah khan a kong cu a va chim lai; cun annih nih khua chungah cun an luhpi lai i hmun an pek lai i, anmah sinah cun a um lai.