JEREMIAH 38:5 - Lai (Hakha) Common Language Bible 2006

⁵ Siangpahrang Zedekiah nih cun aa thawh i, “Amah cu nan kut chungah a um ko; zeicahtiah nanmah duh lomi cu siangpahrang nih zeihmanh a tuah kho lo,” tiah a ti hna.

JEREMIAH 38:5 ပူးပေါင်းရင်းမြစ်များ

2 SAMUEL 19:22

Sihmanhsehlaw David nih, “Nannih Zeruiah fapa hna, nannih nan i thlak awk zeidah a um, nihin i keimah caah ral bantuk nan si hnga cu? Nihin ah hin Israel mi ahohmanh thah awk a si hnga maw? Zeitintiah nihin ah hin Israel mi cungah siangpahrang ka si kha hngal loin maw ka um?” tiah a ti.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

JEREMIAH 26:14

Sihmanhsehlaw kei tu cu nan kut chungah ka um ko; a ṭha le a hmaan nan tining paoh in ka cungah tuah ko u.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

DANIEL 6:16

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.

DANIEL 6:17

Lungpi pakhat kha an rak put i thong inn ka ah cun an chiah, ahohmanh nih Daniel cu khamh awkah a karlak ah rian an ṭuan khawh nakhnga lo siangpahrang nih cun a ca khenhnak in le a bawi hna ca khenhnak in a khenh.

1 SAMUEL 15:24

Cun Saul nih Samuel sinah cun, “Ka sual cang; mi zapi kha ka ṭih hna i an aw ka zulh hna caah Bawipa nawlbia le nangmah bia kha ka buar cang hna.

1 SAMUEL 29:9

Cun Akhish nih David cu a leh i, “Nangmah cu keimah mit hmuh ah, Pathian vancungmi tlukin soi awk um lo na si ti kha ka hngalh ko; asinain, Filistin mi ralbawi hna nih khan, ‘Raltuknak hmun ah kan sinah kal hlah seh,’ an ti cang.