JEREMIAH 38:4 - Lai (Hakha) Common Language Bible 2006

⁴ Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

JEREMIAH 38:4 ပူးပေါင်းရင်းမြစ်များ

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

2 CHANRELNAK 24:21

Sihmanhsehlaw an rawi i siangpahrang nawl in amah cu Bawipa inn tual ah khan lung in an cheh.

EZRA 4:12

Nangmah sinin kan sinah a rami Judah mi hna kha Jerusalem ah an kal tiah siangpahrang nih rak hngal tuah. Ral thawh hmangmi le khua ṭhalo a simi kha an remh ṭhan i a kulhnak vampang hna cu an lim pah cang i a hram cu an remh lio.

NEHEMIAH 6:9

Zeicahtiah annih nih an thinphang hna seh ti kha an ka duh i, “Rian ṭuan kha an kut nih a ngol lai i rian cu ngol a si lai,” tiah an ruah. Sihmanhsehlaw maw Pathian, ka kut cu ṭhawnter ko hna.

EXODUS 5:4

Izipt siangpahrang nih cun Moses le Aaron cu, “Mi an rian nan ṭhulh hna hi a sullam zeidah a si? Sal hna, nan rian ah khan kal ko u,” a ti hna.

JEREMIAH 11:21

Cucaah ka nunnak kha lak a zal i, ‘Bawipa min in bia chim ti hlah, na chim ahcun kan in thah lai,’ a timi Anathoth khuami hna kong ah khan,

JEREMIAH 18:23

Asi, Maw Bawipa, nangmah nih keimah thahnak ding caah an timhmi vialte cu na hngalh dih ko; An ṭhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun ṭuan ko.

JEREMIAH 26:11

Cun tlangbawi hna le profet hna nih cun bawi hna le mi vialte cu an thawh hna i, “Hi pa hi thih awk a tlak. Hi khua kha rawk seh, tiah a chim: nan hna in nan theih cio,” an ti.

JEREMIAH 29:7

Sal ah kan tanternak hna khuapi kha a ṭhatnak ding kawl cio u law kha khua caah khan Bawipa sinah thla cam cio ko u; zeicahtiah a ṭhat ahcun nannih zong ṭhatnak nan hmu ve lai.

JEREMIAH 38:16

Cun Siangpahrang Zedekiah nih Jeremiah sinah cun a thli tein chiat a ser i, “Ka nunnak a sertu Bawipa a nun bangin, kan that lai lo i na nunnak hrawh awk a kawlmi hna kut chung zongah kan chan lai lo,” tiah a ti.

JEREMIAH 38:25

Bawi hna nih khan nangmah he bia kan i ruah kha an theih i na sinah an rat i an in thawh i, ‘Siangpahrang sinah na chimmi le siangpahrang nih an chimhmi cu kan chim tuah, kan sinin zeihmanh thup hlah law kan in that lai lo,’ an ti ahcun,

JEREMIAH 43:3

Sihmanhsehlaw Neriah fapa Baruk nih, kannih cu thah awkah, a si lo le Babilon i sal i kalpi awkah Khaldi mi hna kut chungah pek kan si nakhnga, an forh,” tiah an ti.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

AMOS 7:10

Khi tikah Bethel khua i tlangbawi Amaziah nih khan Israel siangpahrang Jeroboam cu thawng a thanh i, “Israel miphun lakah nangmah doh awkah Amos nih khua a khan lengmang ko i a chimmi bia hi kan ram nih a ing kho ti lo.

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

LAMKALTU 16:20

Rom mi a simi biaceih bawi hna hmaiah khan an chuahpi hna i, “Hi mi hna hi Judah mi an si i kan khua chungah hnahnawhnak an tuah.

LAMKALTU 17:6

Sihmanhsehlaw annih kha an va hmuh hna lo tikah Jason le unau pawl a cheukhat kha khua uktu bawi hna sinah an hnuh hna i, “Khua kip ah hnahnawhnak a chuahtertu hna kha atu cu kan khua zong an ra phan ve cang i

LAMKALTU 24:5

Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

LAMKALTU 28:22

Sihmanhsehlaw na ruahnak cu theih kan duh ko, zeicahtiah hi nan phu hi khuazakip ah mi nih an thangchiat lengmangmi a si,” an ti.