JEREMIAH 37:7 - Lai (Hakha) Common Language Bible 2006

⁷ “Hi bangin Ralkapbu Bawipa, Israel Pathian nih a ti: Keimah kha bia hal awkah an thlahtu Judah siangpahrang sinah cun, ‘Zohhmanh, nangmah bawmh awkah aa thawhmi Faro ralkapbu cu anmah ram Izipt ram ah khan an kir dengmang cang.

JEREMIAH 37:7 ပူးပေါင်းရင်းမြစ်များ

2 SIANGPAHRANG 22:18

Sihmanhsehlaw Bawipa hal awkah an thlahtu hna Judah siangpahrang tu cu, hi bangin nan va chimh lai. Hi bangin Bawipa, Israel Pathian nih a ti: Bia na theihmi kong ah,

2 SIANGPAHRANG 24:7

Izipt siangpahrang cu a ram chungin a chuak ti lo, zeicahtiah Babilon siangpahrang nih Izipt siangpahrang ta a simi vialte Izipt tivate thawk in Zufrates tiva tiang, a lak dih.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 30:7

Izipt nih bawmhnak a pekmi hna cu santlailo a si. Cucaah Izipt cu ‘Ṭih awk tlak lo rulpi’ tiah min ka sak.

ISAIAH 36:6

Izipt nih a kan bawmh lai tiah nan i ruah ahcun, cucu phaikung ṭhiangṭhunh i i hman bantuk a si — phaikung cu ṭhiangṭhunh i hman ahcun a kiak i kut lam ah mi a chun. Izipt siangpahrang cu mi nih an i bochan tikah cu bantuk cu a si ko,” a ti.

JEREMIAH 2:18

Cun Nail tiva ti, va din awkah Izipt ram i na va kal lai cu, Na caah zei miaknak dah a um lai? Asiloah, Zufrates tiva ti va din awkah Assiria ram i na va kal lai cu, Zeidah na miakmi a um lai?

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 2:37

Izipt ram in hmaichia in nan kir ko lai, Zeicahtiah nan i bochanmi cu Bawipa nih a hlawt cang hna i Anmah thawng in khuaawng zeihmanh nan pem lai lo.

JEREMIAH 21:1

Siangpahrang Zedekiah nih Malkhiah fapa Pashhur le Ma-aseiah fapa tlangbawi Zefaniah cu Jeremiah sinah hi bia he a hei thlah hna i,

JEREMIAH 21:2

“Babilon siangpahrang Nebukhadnezzar nih a kan tuk caah hin Bawipa cu rak kan halpiak tuah. Bawipa nih cun hlanah a rak tuah tawn bantuk khan khuaruahharnak a hei tuah ko hnga i Nebukhadnezzar nih a kan kulhnak hi a lak zong a hei lak ṭhan ko hnga,” a ti.

JEREMIAH 37:3

Siangpahrang Zedekiah nih cun Shelemiah fapa Jehukal le Ma-aseiah fapa tlangbawi Zefaniah kha profet Jeremiah sinah a hei thlah hna i, “Bawipa kan Pathian sinah thla rak kan campiak tuah,” tiah a ti.

JEREMIAH 37:5

Cu caan lio hrawngah cun Faro ralkapbu kha Izipt ram in an hung chuak i cu thawng cu Jerusalem a kulhtu Khaldi mi hna nih khan an theih tikah Jerusalem an kulh kha an ngol.

JEREMIAH 37:6

Khi tikah profet Jeremiah sinah Bawipa bia kha a ra i,

ṬAHNAK HLA 1:7

Jerusalem nih hremnak a in lio caan le a vahvaih lio caan kha a hngalh camcin ko, A mi hna cu an ral kut chungah an tlak i Annih bawmtu ahohmanh an um lo lio caan kha, a philh kho lo. A ral nih cun a hmuh i a ṭumchuknak kha diriam in a nihsawh.

ṬAHNAK HLA 4:17

Kan mithram cat in bawmhnak a ra hnga maw tiah kan zoh, Sihmanhsehlaw zeihmanh a um lo. Kannih a kan khamh kho ṭung lomi miphun kha kan hngah filfial ko.

EZEKIEL 17:17

Mi tampi thihnak ding caah raltuknak chuntlung le kahcham tampi a sermi Babilon mi hna kut chung khan Izipt siangpahrang ralkapbu ṭhawng hmanh nih an chanh kho lai lo.

EZEKIEL 29:16

Israel mi hna caah i bochan awk tlak an si ti lai lo; sihmanhsehlaw i bochan awkah an rak merhnawh hna ruang i an sualnak a langhtertu a si lai. Cun Bawipa Pathian ka si kha an hngalh lai, a ti.

EZEKIEL 30:22

Cucaah hihi Bawipa Pathian bia an si: Izipt siangpahrang Faro cu ka ralchanh; a kut kha a pahnih tein, a dammi he a kiakmi he khan, ka khiah hna lai i vainam cu a kut chung khan ka tlakter lai.