JEREMIAH 37:5 - Lai (Hakha) Common Language Bible 2006

⁵ Cu caan lio hrawngah cun Faro ralkapbu kha Izipt ram in an hung chuak i cu thawng cu Jerusalem a kulhtu Khaldi mi hna nih khan an theih tikah Jerusalem an kulh kha an ngol.

JEREMIAH 37:5 ပူးပေါင်းရင်းမြစ်များ

2 SIANGPAHRANG 24:7

Izipt siangpahrang cu a ram chungin a chuak ti lo, zeicahtiah Babilon siangpahrang nih Izipt siangpahrang ta a simi vialte Izipt tivate thawk in Zufrates tiva tiang, a lak dih.

JEREMIAH 34:21

Judah siangpahrang Zedekiah le a bawi hna cu anmah thah a duhtu an ral hna sinah khan ka pek hna lai. Cun nanmah doh a ngol cangmi Babilon siangpahrang ralkapbu sinah khan annih cu ka sanh hna lai.

JEREMIAH 37:11

Faro ralkapbu an ṭih hna ruangah Khaldi mi ralkap hna nih Jerusalem kulh an ngol lio caan te ah khan,

JEREMIAH 37:6

Khi tikah profet Jeremiah sinah Bawipa bia kha a ra i,

JEREMIAH 37:7

“Hi bangin Ralkapbu Bawipa, Israel Pathian nih a ti: Keimah kha bia hal awkah an thlahtu Judah siangpahrang sinah cun, ‘Zohhmanh, nangmah bawmh awkah aa thawhmi Faro ralkapbu cu anmah ram Izipt ram ah khan an kir dengmang cang.

EZEKIEL 17:15

Asinain Judah siangpahrang kha ral a tho i rang le ralkap tampi hal awkah Izipt ram ah khan lamkal a thlah hna. Cu bantuk mi cu a hlawh a tling kho hnga maw? Hi bantukin a tuah caah rawhnak cu a luat kho lai maw? Biakamnak kha hrawk in a luat kho hnga maw?

EZEKIEL 17:17

Mi tampi thihnak ding caah raltuknak chuntlung le kahcham tampi a sermi Babilon mi hna kut chung khan Izipt siangpahrang ralkapbu ṭhawng hmanh nih an chanh kho lai lo.