JEREMIAH 37:21 - Lai (Hakha) Common Language Bible 2006

²¹ Cucaah Siangpahrang Zedekiah nih nawlbia a chuah i Jeremiah cu ralvengtu hna pawl tual ah khan an chiah. Cun cu khua chung i changreu cu a dih hlantiang, Changreu Sertu Lam timi changreu sernak khan ni fate changreu hlum khat lengmang an pek. Cuticun ralvengtu hna tual ah khan Jeremiah cu a tang ko.

JEREMIAH 37:21 ပူးပေါင်းရင်းမြစ်များ

2 SIANGPAHRANG 25:3

Thla linak thla a ni kua ni ah, khuapi chungah cun mangṭam cu a fak tuk cang i rammi caah rawl a um ti lo.

JOB 5:20

Mangṭam a tlun tikah amah nih thihnak chungin an khamh lai, Ral chungah vainam ṭhawnnak chungin an tlanh lai.

SALM 37:19

Caan ṭhalo a tlun tikah sifah an ing lai lo, mangṭam a tlun tikah ei awk a za an ngei lai.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

PHUNGTHLÛKBIA 16:7

Mi cu a umtuning kha Bawipa duhning a si ahcun, a ral hna hmanh kha amah he i rem tein a umter hna.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

ISAIAH 33:16

Cu bantukin na um ahcun khua-awng na pem lai i a ṭhawngmi ralhau bantukin na fek lai. Rawl ei awk kha na ngei zungzal lai i tidin awk kha zeitikhmanh ah na dong lai lo.

JEREMIAH 20:2

Jeremiah cu fung in a tuk i hreng a khenh i Bawipa inn chung i Cunglei Benjamin Kutka timi ah khan a chiah.

JEREMIAH 32:2

Cu caan ah cun Babilon siangpahrang ralkap hna nih Jerusalem kha an kulh i profet Jeremiah cu siangpahrang bawi inn he aa pehmi ralvengtu hna inn tual ah khan thong ah a tlak lio a si.

JEREMIAH 32:8

Bawipa nih a ka chimh chung bangin ka unau Hanamel cu ka sinah ralvengtu hna inntual ah cun a ra i, “Benjamin ram chung Anathoth khua i ka lo cu ka caw tuah, zeicahtiah cu lo ngeih awk le tlanhnak nawl cu nangmah ta a si, nangmah cu a ka naih bikmi ka rualchan na si bangin; nangmah nih ka caw ko,” tiah a ti. Khi tikah mah hihi Bawipa bia a si ti kha ka hngalh.

JEREMIAH 33:1

Jeremiah cu ralvengtu hna inntual i hren a si ko rih lioah khan Bawipa bia cu a voi hnihnak a sinah a ra.

JEREMIAH 38:13

Cun Jeremiah cu hri in an hnuh i tikhor chung cun an chuah. Jeremiah cu ralvennak inntual ah cun a um.

JEREMIAH 38:28

Cun Jeremiah cu ralvennak inntual ah cun Jerusalem an lak ni tiang a um.

JEREMIAH 38:6

Cucaah cun Jeremiah cu an lak i ralvennak inntual i a ummi tikhor ah khan an thlak, hri in an vun thlak. Khor chungah cun ti a um lo, nawncek lawng a um i nawncek chungah cun Jeremiah cu a pil.

JEREMIAH 38:9

“Siangpahrang ka bawipa, hi mi hna nih profet Jeremiah cung i an tuahmi hi a ṭha hrimhrim lo. Annih nih khor chungah an hlonh i khua chung i rawl a um ti lo tikah a umnak hmun ah khan rawl ṭam in a thi lai,” tiah a ti.

JEREMIAH 52:6

Cun khuapi chungah cun mangṭam cu a fak tuk hringhran cang i mi caah rawl a um ti lo caah cu kum thla linak thla a ni kua ni ah khuapi cu an bauh khawh.

ṬAHNAK HLA 5:10

Rawlṭam linhsatnak nih kan cuar cu Somei nih a nahter bantukin a nahter.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

LAMKALTU 12:5

Cucaah Peter cu thong chungah khan an chiah ko, asinain khrihfabu chungmi hna nih cun a caah khan thla fak piin an cam.

LAMKALTU 24:27

Kum hnih a luan tikah Feliks cu Porsias Festas nih a hun thlen. Feliks nih Judah mi nih ka duh hna seh ti kha a duh caah Paul kha thong chungah khan a chiahtak.

LAMKALTU 28:16

Rom khua kan phak tikah Paul kha amah tein um i ralkap pakhat i cawngh kha a nawl an pek.

LAMKALTU 28:30

Kum hnih chung Paul cu khika ah inn aa hlan i a um; amah chawnhbiak awkah a rami vialte kha a rak lawmh hna.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

EFESA 6:20

Cu thawngṭha lamkaltu cu — thir cikcin he ka si. Cu kong ka chim tikah ka ral a ṭhat nakhnga thla rak cam u.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.