JEREMIAH 37:17 - Lai (Hakha) Common Language Bible 2006

¹⁷ Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

JEREMIAH 37:17 ပူးပေါင်းရင်းမြစ်များ

1 SIANGPAHRANG 22:15

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u; Bawipa nih siangpahrang kut chungah a pek ko lai,” tiah a leh.

1 SIANGPAHRANG 22:16

Sihmanhsehlaw siangpahrang nih a thawh i, “Biatak dah ti lo cu Bawipa min in ka sin i zeihmanh na chim lo awkah voi zeizat dah bia kan kamter lai?” tiah a ti.

2 SIANGPAHRANG 25:7

Zedekiah fapale cu a hmaika hrimhrim ah khan an thah hna i Zedekiah cu a mit an khoih i hreng an khenh i Babilon ah an kalpi.

JEREMIAH 15:11

Bawipa nih a leh i, Sihmanhsehlaw fak piin kan ṭhawnter lai; Harnak caan le vanchiatnak caan ah na ral cu na ke tangah ka chiah hna lai.

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 24:8

Sihmanhsehlaw Judah siangpahrang Zedekiah, a bawile hna le Jerusalem i a nung rihmi hna cu, hi ram chung i an um ah siseh, Izipt ram i an um ah siseh, hi hna vialte cu theipi chia, a chiat tuk ca i ei awkah a tlak lomi bantuk ah khan ka ser hna lai, tiah Bawipa nih a ti.

JEREMIAH 25:35

Tuukhal hna caah zamnak hmun khuazei hmanh ah a um lai lo. Tuurun bawi hna caah luatnak lam zeihmanh a um lai lo.

JEREMIAH 37:3

Siangpahrang Zedekiah nih cun Shelemiah fapa Jehukal le Ma-aseiah fapa tlangbawi Zefaniah kha profet Jeremiah sinah a hei thlah hna i, “Bawipa kan Pathian sinah thla rak kan campiak tuah,” tiah a ti.

JEREMIAH 38:5

Siangpahrang Zedekiah nih cun aa thawh i, “Amah cu nan kut chungah a um ko; zeicahtiah nanmah duh lomi cu siangpahrang nih zeihmanh a tuah kho lo,” tiah a ti hna.

JEREMIAH 52:8

Sihmanhsehlaw Khaldi mi ralkap hna nih cun siangpahrang cu an dawi i Jeriko nelrawn ah an phak; cun a ralkap vialte hna cu an i ṭhek dih i an zamtak.

EZEKIEL 7:26

Thlichia kha pakhat hnu pakhat an i zul lai i thawngchia kha pakhat hnu pakhat an i zul ve lai. Langhnak kawl ah mi nih profet cu an fuh hna lai, sihmanhsehlaw tlangbawi nih lam ṭhit an thiam ti lai lo i upa nih fimchimh an thiam ti lai lo.

MARKA 6:20

Herod nih cun Johan kha a ṭih ngaingai, zeicahtiah mi ṭha le mi thiang a si kha a hngalh i him tein a umter ko. A bia a theih fate lung sivang in a um tawn ko nain a chimmi ngaih kha cu a duh ko.