JEREMIAH 36:4 - Lai (Hakha) Common Language Bible 2006

⁴ Cucaah Jeremiah nih Neriah fapa Baruk kha a auh i Baruk nih cun Bawipa nih Jeremiah sinah a chimmi bia vialte Jeremiah nih a auh in a auhmi kha cazual chungah cun a ṭial.

JEREMIAH 36:4 ပူးပေါင်းရင်းမြစ်များ

ISAIAH 30:8

Hi miphun hi zeidah an lawh ti kha cauk pakhat chungah a ṭial in na ṭial lai i cu na ṭialmi cu an ca i a hmunmi tehte a si lai, tiah Pathian nih a ka ti.

ISAIAH 8:1

Bawipa nih a ka thawh i, “Ca ṭialnak tlap a nganmi pakhat in i lak law cafang puam pipi in, ‘Maher-shalal-hash-baz’ tiah ṭial.

JEREMIAH 25:13

Cu ram cungah cun ka chimmi vialte, hi cauk chung i aa ṭialmi vialte, hi mi hna cung tlung dingin profet Jeremiah nih a chimmi vialte kha ka tlunter lai.

JEREMIAH 30:2

Hihi Bawipa, Israel Pathian bia cu a si: Na sin i ka chimmi bia vialte kha cauk chungah ṭial tuah,

JEREMIAH 32:12

Mahseiah fapa Neriah i fapa Baruk kha, ka unau Hanamel hmaika ah cun, i cawknak ca chung i an min aa ṭialmi tehte hna le ralvennak inntual i Judah mi a ṭhumi hna hmaika ah khan ka pek.

JEREMIAH 36:14

Khi tikah bawi vialte nih cun Kushi fapa Shelemiah fapa Nethaniah i fapa Jehudi cu Baruk sin i hi bangin va chim awkah an hei thlah i, “Mi zapi theih ah na relmi cazual cu rak i put law, ra,” an ti. Cucaah Neriah fapa Baruk nih cun cazual cu aa put i an sinah cun a va kal.

JEREMIAH 36:21

Khi tikah siangpahrang nih Jehudi cu cazual kha va lak awkah a thlah i caṭialtu Elishama khaan chung khan a va lak i Jehudi nih cun siangpahrang le a pawng i a dirmi bawi vialte hna cu a relpiak hna.

JEREMIAH 36:23

Cun Jehudi nih cun cazual cu tlang thum tlang li a vun rel paoh khin siangpahrang nih cun ca tannak namte in a tan lengmang hna i mei chungah cun a paih lengmang hna, cazual cu a dihlak in a ciamh dih tiang cuticun a tuah.

JEREMIAH 36:26

Cun siangpahrang nih siangpahrang fapa Jerahmeel le Azriel fapa Seraiah le Abdeel fapa Shelemiah kha caṭialtu Baruk le profet Jeremiah kha va tlaih awkah a fial hna, sihmanhsehlaw Bawipa nih a thuh hna.

JEREMIAH 36:27

Jeremiah nih Baruk a auhmi cazual kha siangpahrang nih a khangh hnuah Bawipa bia cu Jeremiah sinah a ra i

JEREMIAH 36:28

“Cazual a dang pakhat i lak law cazual hmasa i a ummi bia, Judah siangpahrang Jehoiakim nih a khanghmi bia vialte kha ṭial dih hna.

JEREMIAH 36:32

Cun Jeremiah nih cazual dang pakhat kha aa lak i caṭialtu Baruk, Neriah fapa kha a pek i Judah siangpahrang Jehoiakim nih mei ah a khanghmi cazual chung i a ummi bia vialte kha Jeremiah nih a auhning in a ṭial ṭhan; cun cu bantuk bia cu Jeremiah nih tampi a chap.

JEREMIAH 36:6

Cucaah keimah can ah rawl ulh ni ah nangmah cu na kal lai i kan auhmi ningin Bawipa cazual cungah Bawipa bia na ṭialmi cu zapi theih ah na va rel lai. Judah mi an khua cio in a rami hna an theihhngan ah khan na va rel lai.

JEREMIAH 43:3

Sihmanhsehlaw Neriah fapa Baruk nih, kannih cu thah awkah, a si lo le Babilon i sal i kalpi awkah Khaldi mi hna kut chungah pek kan si nakhnga, an forh,” tiah an ti.

JEREMIAH 51:59

Mahseiah fapa Neriah i fapa Seraiah cu Zedekiah Siangpahrang a zohkhenhtu bawi a si. Judah siangpahrang Zedekiah a bawi kum li kum ah cun Seraiah cu Babilon ah a kal i Jeremiah nih bia a cah.

JEREMIAH 51:60

Jeremiah nih Babilon cung i a tlung ding ṭhat lonak vialte cu cauk chungah a ṭial dih hnuah

EZEKIEL 2:9

Cun kut pakhat cu keimah leiah a hun i samh kha ka hmuh i cu kut nih cun cazual pakhat aa put. Ka hmaiah cun cazual cu a samh i a kap hnih in aa ṭial dih, mithi ngaihnak hla le ṭahnak hla le ngaihchiatnak bia in aa ṭial dih.

DANIEL 7:1

Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

ZEKHARIAH 5:1

Cunglei kha ka hun zoh ṭhan i a zuangmi cazual kha ka hmuh.

ROM 16:22

Hi cakuat a ṭialtu keimah Tertias nih Khrihfa kuttlaihnak in nan kut kan tlaih hna.