JEREMIAH 36:23 - Lai (Hakha) Common Language Bible 2006

²³ Cun Jehudi nih cun cazual cu tlang thum tlang li a vun rel paoh khin siangpahrang nih cun ca tannak namte in a tan lengmang hna i mei chungah cun a paih lengmang hna, cazual cu a dihlak in a ciamh dih tiang cuticun a tuah.

JEREMIAH 36:23 ပူးပေါင်းရင်းမြစ်များ

1 SIANGPAHRANG 22:27

cun siangpahrang nih hi bangin, ‘Hi pa hi thong ah rak thla u law rawl tlawmte le ti tlawmte lawng, daihnak in ka ra kir ṭhan hlantiang, rak pe u, a ti,’ tiah va chim hna u,” tiah a ti.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

SALM 50:17

Kan chimhhrin hna lai, ka ti tikah nan duh ṭung lo, ka nawlbia kha nan hlawt ko ṭung hna.

PHUNGTHLÛKBIA 1:30

Lungthin ka cheuhmi hna kha pakhat hmanh an cohlang duh lo i Ka chimhhrin hnanak cu zeihmanh ah an rel lo.

PHUNGTHLÛKBIA 13:13

Chimhhrinnak bia zei ah a rel lomi nih amah cungah harnak a tlunter, sihmanhsehlaw a zulmi nih cun laksawng a hmuh lai.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

PHUNGTHLÛKBIA 5:12

Khi tikah naa thawh lai i, “Zeicahdah chimhhrinnak kha ka rak huat i mawhchiatnak kha ka lung nih a rak duh hnga lo.

JEREMIAH 36:2

“Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah.

JEREMIAH 36:27

Jeremiah nih Baruk a auhmi cazual kha siangpahrang nih a khangh hnuah Bawipa bia cu Jeremiah sinah a ra i

JEREMIAH 36:28

“Cazual a dang pakhat i lak law cazual hmasa i a ummi bia, Judah siangpahrang Jehoiakim nih a khanghmi bia vialte kha ṭial dih hna.

BIAPHUAN 22:19

Cun hi cauk chung i aa ṭialmi profet bia kha azeihmanh a hlawmi cu, hi cauk chungah aa ṭialmi nunnak thingkung theitlai a co hnga ding le Khua Thiang chung i um venak a co hnga ding cu Pathian nih a lakpiak lai.