JEREMIAH 36:2 - Lai (Hakha) Common Language Bible 2006

² “Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah.

JEREMIAH 36:2 ပူးပေါင်းရင်းမြစ်များ

EZRA 6:2

Cun Media ram khuapi a simi Ekbatana khua ah khan cazual pakhat an hmuh i cu cazual chungah cun mah hihi aa ṭial: “Ken awk.

JOB 31:35

Keimah chanhtu dingah tehte pakhat lawngin i kawh ko ning. Lianngan Bik nih taza a ka cuainak cu chim ko seh. Sual a ka puhtu nih a ka puhnak bia kha ca in rak ṭial seh law cu, dai tein ka rak um hnga lo i inn chungah ka rak i benh ko hnga lo.

SALM 40:7

cucaah cun, “Hika ah hin ka um ko; keimah cawnpiaknak ding caah na chiahmi cu Nawlbia cauk chungah an um ko.

EXODUS 17:14

Cun Bawipa nih Moses kha a thawh i, “Hi kong hi philh a si nakhnga lo cauk chungah ṭial tuah, cun Amalek mi kha a philh in philh an si lai, tiah Joshua kha chim,” tiah a ti.

ISAIAH 8:1

Bawipa nih a ka thawh i, “Ca ṭialnak tlap a nganmi pakhat in i lak law cafang puam pipi in, ‘Maher-shalal-hash-baz’ tiah ṭial.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

JEREMIAH 1:5

“Paw chung i kan ser hlanah kan hngalh i na chuah hlanah kan thianter cang; Nangmah cu miphun hna ca i profet ah kan chiah cang,” tiah a ti.

JEREMIAH 1:9

Khi tikah Bawipa nih a kut cu a hun samh i ka ka kha a tawngh; cun Bawipa nih cun a ka thawh i, “Zohhmanh, ka bia cu na ka chungah ka chiah cang hna.

JEREMIAH 2:4

Bawipa bia cu ngai tuah u, maw Jakob tefa hna le Israel chungkhar vialte hna.

JEREMIAH 25:3

“Amon fapa Josiah, Judah siangpahrang, a bawinak kum hleithum ri in atu tiang, kum kul le kum thum chung, Bawipa bia cu ka sinah a ra lengmang i nan sinah thlah lo tein ka chim lengmang ve, sihmanhsehlaw nan ngai lo.

JEREMIAH 30:2

Hihi Bawipa, Israel Pathian bia cu a si: Na sin i ka chimmi bia vialte kha cauk chungah ṭial tuah,

JEREMIAH 36:14

Khi tikah bawi vialte nih cun Kushi fapa Shelemiah fapa Nethaniah i fapa Jehudi cu Baruk sin i hi bangin va chim awkah an hei thlah i, “Mi zapi theih ah na relmi cazual cu rak i put law, ra,” an ti. Cucaah Neriah fapa Baruk nih cun cazual cu aa put i an sinah cun a va kal.

JEREMIAH 36:18

Anih nih a thawh hna i, “Hika chung bia vialte hi Jeremiah nih a dihlakte hin a ka auh hna i cun kei nih cahang in cazual chungah hin ka ṭial hna,” tiah a ti.

JEREMIAH 36:23

Cun Jehudi nih cun cazual cu tlang thum tlang li a vun rel paoh khin siangpahrang nih cun ca tannak namte in a tan lengmang hna i mei chungah cun a paih lengmang hna, cazual cu a dihlak in a ciamh dih tiang cuticun a tuah.

JEREMIAH 36:29

Cun Judah siangpahrang Jehoiakim sinah cun Bawipa nih hi bangin a ti, tiah na va ti lai: Hi cazual cu na khangh i, ‘Zeicahdah a chungah hin Babilon siangpahrang cu a ra hrimhrim lai i hi ram hi a hrawh lai i minung siseh, saram siseh a thah dih hna lai, tiin na ṭial? na ti.

JEREMIAH 36:6

Cucaah keimah can ah rawl ulh ni ah nangmah cu na kal lai i kan auhmi ningin Bawipa cazual cungah Bawipa bia na ṭialmi cu zapi theih ah na va rel lai. Judah mi an khua cio in a rami hna an theihhngan ah khan na va rel lai.

JEREMIAH 45:1

Judah siangpahrang Josiah fapa Jehoiakim a bawi kum li kum ah, profet Jeremiah nih Neriah fapa Baruk sinah a chimmi bia cu hihi a si, Jeremiah nih a auh in a auhmi bia cu Baruk nih khan cauk chungah a ṭial hna.

JEREMIAH 51:60

Jeremiah nih Babilon cung i a tlung ding ṭhat lonak vialte cu cauk chungah a ṭial dih hnuah

EZEKIEL 2:9

Cun kut pakhat cu keimah leiah a hun i samh kha ka hmuh i cu kut nih cun cazual pakhat aa put. Ka hmaiah cun cazual cu a samh i a kap hnih in aa ṭial dih, mithi ngaihnak hla le ṭahnak hla le ngaihchiatnak bia in aa ṭial dih.

HOSEA 8:12

Cawnpiaknak kha rel cawk loin ca in ka ṭialpiak ko hna nain zeihmanh ah an rel hna lo.

DEUTERONOMI 31:24

Cun Moses nih hi nawlbia chung bia vialte cu tling cikcek in cauk chungah a ṭial dih hnuah,

HEBRU 10:7

Cucaah kaa thawh i, ‘Nawlbia cauk chungah aa ṭial bantukin, Pathian, nangmah nih tuah seh ti na ka duhmi tuah awkah ka ra,’ ka ti,” a ti.