JEREMIAH 35:4 - Lai (Hakha) Common Language Bible 2006

⁴ annih cu Bawipa inn ah khan ka ratpi hna i Pathian mi Igdaliah fapa Hanan fapa hna khaan chungah khan ka luhpi hna; cucu innleng a cawngtu Shallum fapa Maaseiah khaan cung i a ummi bawi khaan he khan aa peh.

JEREMIAH 35:4 ပူးပေါင်းရင်းမြစ်များ

1 SIANGPAHRANG 12:22

Sihmanhsehlaw Pathian mi Shemaiah sinah khan Pathian bia a ra i,

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

1 SIANGPAHRANG 13:26

Cun lam in a hun kirpi ṭhantu profet nih khan mah cucu a theih tikah, “Pathian mi, Bawipa bia zulh a duh lo mipa kha a si cu ta; cucaah Bawipa nih amah cu a chimhmi bia ningin, Bawipa nih amah cu chiandeih kha a pek i a rak thleh bauh i a rak thah,” tiah a ti.

1 SIANGPAHRANG 17:18

Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

1 SIANGPAHRANG 17:24

Cun minu nih Elijah cu a thawh i, “Atu cu nangmah cu Pathian mi na si ti kha ka hngalh i na kaa chung i a ummi Bawipa bia cu biatak a si,” tiah a ti.

1 SIANGPAHRANG 20:28

Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “Bawipa, cu tlang pathian pei a si ko cu, nelrawn pathian a si ṭung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.

2 SIANGPAHRANG 1:9

Khi tikah siangpahrang nih ralkap sawm nga haotu kha a mi sawm nga he cun a thlah. Tlangpar i a ṭhu komi Elijah sinah cun a hung kal i, “Maw Pathian mi, siangpahrang nih, ‘Rung ṭum seh,’ an ti,” tiah a ti.

2 SIANGPAHRANG 12:9

Khi tikah tlangbawi Jehoiada nih thingkuang pakhat a lak i a chin ah awng pakhat a vih i biakṭheng pawngah khan, Bawipa inn chung i vung luh tikah orhlei kamah khan a chiah; cun innleng a cawngtu tlangbawi hna nih khan Bawipa inn chung i rak putmi tangka vialte cu, cu chungah cun an sanh dih.

2 SIANGPAHRANG 25:18

Cun ralvengtu haotu nih khan tlangbawi upa bik Seraiah le a hun changtu Zefaniah le innleng cawngtu pathum hna kha a lak hna;

2 SIANGPAHRANG 5:14

Cucaah Pathian mi bia bangkhan a vung kal i Jordan tiva chungah voi sarih a vung i hnim i cun a titsa cu a dam i ngakchia note titsa bantuk a si i amah cu a thiang.

2 SIANGPAHRANG 5:20

Pathian mi Elisha i a sinum Gehazi nih khan, “Zohhmanh, ka bawipa nih Siria mi Naaman cu, a rak i phorhmi laksawng cohlang loin fawi tuk in a luatter cang. Bawipa a nun bangin, a hnu in ka hei dawi lai i amah sinin zeilo tetal ka va lak tuah lai,” tiah a ti.

2 SIANGPAHRANG 6:10

Cun Israel siangpahrang nih Pathian mi nih a chimhmi hmun ah khan mi a thlah hna. Cu bantukin ralrinnak kha a pek tawn i cucaah khika ah voi khat voi hnih lawng si loin aa khamh tawn.

2 SIANGPAHRANG 7:17

Siangpahrang nih khan a kut aa bochanmi ralbawipa kha kutka cawngtu ah cun a thiah i, siangpahrang nih Pathian mi sinah a vung kal i anih nih a rak chimning khan, mi nih khan kutka ah cun an cil ciammam i a thi.

2 SIANGPAHRANG 7:2

Cun siangpahrang nih a kut aa hngatchanmi ralbawi nih khan Pathian mi cu a thawh i, “Bawipa hrimhrim hmanh nih van ah khin thlalangawng hna a ser hmanh ah, mah thil hi a si kho hnga maw?” tiah a ti. Sihmanhsehlaw anih nih, “Na mit hrimhrim in na hmuh lai, sihmanhsehlaw a ei cu na ei lai lo” tiah a ti.

1 CHANRELNAK 9:27

Cun annih cu Pathian inn velchum ah khan an riak; zeicahtiah a cawngh le zingfate in innka hun cu anmah rian a si.

2 CHANRELNAK 8:14

A pa David nih a rak chiahmi phunglam ning khan, tlangbawi hna cu an rian cio caah khan a bubu in a thiah hna i ni fate rian nih a hlam cio ning khan Levi mi hna cu tlangbawi hna hmai i thangṭhatnak rian le rianṭuannak an tuah awk a simi ah khan a thiah fawn hna, cun kutka cawngtu pawl zong kha kutka hna caah khan an bubu in a thiah hna; zeitintiah cuticun Pathian mi David nawl pekning cu a si.

SALM 84:10

Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.

JEREMIAH 21:1

Siangpahrang Zedekiah nih Malkhiah fapa Pashhur le Ma-aseiah fapa tlangbawi Zefaniah cu Jeremiah sinah hi bia he a hei thlah hna i,

JEREMIAH 26:10

Cun Judah bawi hna nih hi thil cu an theih tikah siangpahrang inn khan Bawipa inn ah cun an kal i Bawipa inn i kutka thar luhnak ah cun an ṭhu cio.

JEREMIAH 35:3

Cucaah Habazziniah fapa Jeremiah i fapa Jaazaniah le a unau hna le a fapa vialte hna le Rekhab mi an chungkhar ning piin ka lak hna i

JEREMIAH 52:24

Cun ralvengtu ralkap haotu nih cun tlangbawi bik Seraiah le tlangbawi pahnihnak Zefaniah le biakinn cawngtu bawi pathum hna kha a kalpi hna.

EZEKIEL 40:38

Kutka innleng in vung luhnak ah khin khaan pakhat a um i cu khaan ah cun pumpek thawinak kha an ṭawl hna.

EZEKIEL 43:8

An innleng cu ka innleng pawngah an chiah i an innka tung cu ka innka tung pawngah an bunh, cun keimah le annih karlak ah cun vampang a um i annih nih ka minthiang cu thil fihnung an tuahnak khan an thurhhnawmh i ka thinhun in ka hrawh hna.

DEUTERONOMI 33:1

Hi thluachuahnak hi Pathian mi Moses nih a thih hlanah Israel fale thluachuah a pek hnanak cu a si.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

2TIMOTE 3:17

Cucaah cun Pathian rianṭuantu a simi cu zeizong zeizong ah tlamtlingmi a si awk le thil ṭha phun zakip tuah khawh awkah thilthuam tling tein a ngeimi a si awk a si.

JOSHUA 14:6

Cun Judah phunmi kha Joshua sinah Gilgal ah an ra i Keniz phun Jefunneh fapa Kaleb nih a sinah, “Nangmah le keimah kongah, Bawipa nih Pathian mi Moses sinah Kadesh-barnea ah bia a chimmi kha na hngalh.

1 SAMUEL 2:27

Cun Eli sinah Pathian mi pakhat a ra i amah sinah cun, “Hi bangin Bawipa nih a ti, Izipt ram i Farote chung sal i an um lioah khan, na pa chungle hna sinah keimah hrimhrim kaa langhter.