JEREMIAH 35:19 - Lai (Hakha) Common Language Bible 2006

¹⁹ hi bangin Ralkapbu Bawipa, Israel Pathian nih, ‘Rekhab fapa Jonadab nih zeitikhmanh ah ka hmai i a dir dingmi tefa a bau bal lai lo,’ a ti,” tiah a ti hna.

JEREMIAH 35:19 ပူးပေါင်းရင်းမြစ်များ

1 CHANRELNAK 2:55

(A tanglei innchungkhar hna hi caṭial le caṭialchin a thiam ngaingaimi an si i Jabez khua ah a ummi an si: Tirath mi, Shimeath mi le Sukath mi an si. Annih hi Ken mi, Rekhab mi he aa ṭhi-ummi kha an si. Rekhab mi hna pa cu Hammath a si.)

SALM 5:5

Miporhlaw cu na ing kho hna lo i miṭhalo cu na huat hna.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 15:19

Cun Bawipa nih hi bangin a leh; Ka sinah na kir ṭhan ahcun kan lak ṭhan lai i ka hmaiah na dir lai. Bia ṭha chim kha na thiam i bia chia kha na hlawt ahcun, Ka bia chimtu na si lai.

JEREMIAH 40:10

Kei cu Mizpah ah hin ka um lai i Khaldi mi hna hi an rat paoh ah ka rak zohkhenh hna lai; sihmanhsehlaw nannih cu mitsur hang le ṭhal caan theitlai hna le chiti kha pum hna u law um chungah khan khong hna u law nan lakmi khua hna chungah khan um ko hna u,” tiah a ti hna.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

JUDAS 1:24

Tlu loin an umter khotu hna le a hmaika ah soi awk zeihmanh um lo le lunglawm tein an chuahpi khotu hna —