JEREMIAH 34:9 - Lai (Hakha) Common Language Bible 2006

⁹ Hebru mi nih Hebru mi sal i nan zuatmi hna vialte cu, nu an si ah, pa an si ah, nan luatter hna lai; nanmah nan phunhawi a simi Judah mi kha sal ah nan zua hna lai lo, tiah a ti.

JEREMIAH 34:9 ပူးပေါင်းရင်းမြစ်များ

GENESIS 14:13

Sihmanhsehlaw a luat sualmi pakhat nih Hebru mi Abram cu cu kong cu a chimh. Abram cu Mamre thingzarh pawng i khua a sami a si, Mamre cu Eshkol le Aner hna u kha a si i hi hna hi Abram he ṭangṭi an si.

GENESIS 40:15

A ngaingai ti ah cun kei cu Hebru ram hin hramhram in an rak ka tlaih i hika zongah hin thong tlaknak ding tlak zeihmanh ka tuahmi a um lo,” a ti.

EXODUS 2:6

Faro fanu nih cun a vun hun i a chungah ngakchiapate pakhat cu a rak um i cu ngakchiapa cu a hung ṭap. A zaang a fak ngaingai i, “Mah hi ngakchiate hi Hebru mi hna ngakchia pakhat a si ko lai,” tiah a ti.

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.

JEREMIAH 25:14

Babilon mi cu an tuahmi kha ka lehrulh hna lai i miphun tampi le siangpahrang nganngan hna nih sal ah an tlaih hna lai,” tiah Ralkapbu Bawipa nih a ti.

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

JEREMIAH 30:8

Cun khi ni a phak tikah, an hngawng i hngawngkual cu ka khiah hna lai i an cikcin cu ka chah dih hna lai; ramdangmi nih an duhduh in an hmang ti hna lai lo.

JEREMIAH 34:10

Cun bawi vialte hna le mi zapi hna nih, an salle hna cu nu an si ah, pa an si ah, luatter i sal i zuat ti lo dingin biakamnak an tuahmi cu an tlinter i an salle cu an luatter hna.

1 KORIN 6:8

Cu ti si loin nannih cu, u le nau a si hrimhrim komi kha, pakhat le pakhat nan i tawng i pakhat le pakhat thil nan i chut.

2 KORIN 11:22

Annih cu Hebru mi an si maw? Ka si ve. Israel mi an si maw? Ka si ve. Abraham tefa an si maw? Ka si ve.

DEUTERONOMI 15:12

“Nan unau, Hebru minu maw Hebru mipa cu nan sinah zuarh a si ahcun, kum ruk chung an rianh hna lai, cun kum sarihnak kum ah cun nanmah sinin nan luatter lai.

FILIPI 3:5

zarh khat ka si ah cuarpartan ka si, chuahkehnak lei in Israel mi, Benjamin phun, Hebru mithiang ka si; Judah mi Nawlbia zulhnak leiah Farasi ka si i

1 SAMUEL 14:11

Cucaah an pahnih in Filistin mi ralvengtu ralkapbu sinah cun an hei i langhter; cun Filistin mi hna nih cun, “Zohhmanh u, an i thuhnak kua chungin Hebru mi an chuak cang khi,” tiah an ti.

1 SAMUEL 4:6

Cun Filistin mi hna nih an aunak thawng cu an theih tikah, “Hebru mi hna riahhmun i hi ti fakpi an au hi a sullam zeidah a si?” tiah an ti. Cun annih nih Bawipa kuang kha riahhmun a phan cang ti an theih tikah,

1 SAMUEL 4:9

Nan ralṭha ko uh, maw Filistin mi hna, pa bantukin um uh, cu ti a si lo ahcun, nannih tang ah sal an si bantuk hin, anmah Hebru mi tangah hin sal nan si sual lai; pa bantukin um u law, do hna u,” tiah an ti.