JEREMIAH 34:5 - Lai (Hakha) Common Language Bible 2006

⁵ Dai tein na thi ko lai. Na pupa hna, nangmah hlanah a ummi siangpahrang hna caah meiphu an tih bantuk khan nangmah upatnak caah an tih ve lai. Nangmah cu an in ṭah lai i an ṭang an i cumh pah in, ‘Aize, bawipa!’ an ti lai. Mah hihi keimah chimmi a si,” tiah Bawipa nih a ti.

JEREMIAH 34:5 ပူးပေါင်းရင်းမြစ်များ

2 SIANGPAHRANG 22:20

Cucaah zohhmanh, nang cu na pupa hna sinah kan pumh lai i dai tein thlankhor na phan lai, cun hi hmun cung i ṭhat lonak ka tlunter laimi hi na mit nih a hmu lai lo,’ a ti, tiah chim hna, a ka ti,” tiah a ti. Cun siangpahrang sinah cun bia cu an hei lanhpi.

2 CHANRELNAK 16:14

David khua chungah amah nih aa cawhmi thlan ah khan an vui. Zihmui ser thiam hna nih an sermi zihmui phun zakip in a khatmi ruakkuang ah khan an suan; cun amah hmaizahnak ah mei nganpi an tih.

2 CHANRELNAK 34:28

Zohhmanh na pupa hna sinah kan pumh lai i daihnak in thlan khor na phan lai, cun hi hmun le a chung i a ummi hna cung i ṭhat lonak ka tlunter dingmi hi na mit nih a hmu lai lo, tiah va chim u,’ a ti,” tiah a ti. Cun annih nih bia cu siangpahrang sinah an ratpi ṭhan.

JEREMIAH 22:18

Cucaah Judah siangpahrang Josiah fapa Jehoiakim kong ah Bawipa bia cu hi bangin a si: ‘Aize, ka nau, ka dawtmi ka nau,’ tiin siseh, ‘Aize, ka bawipa le ka siangpahrang,’ tiin siseh, a ṭahtu ahohmanh an um lai lo.

JEREMIAH 34:4

Maw Judah siangpahrang Zedekiah, Bawipa nih nangmah an cahmi bia cu thei rih tuah. A bia cu hihi a si: Vainam in na thi lai lo.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

EZEKIEL 17:16

Ka nun bangin ka chim, tiah Bawipa nih a ti: Cu siangpahrang cu siangpahrang ṭhutdan cungah a ṭhuttertupa ram chungah khan a thi lai; bia aa kammi kha zei ah a rel lo i chiat aa serhmi a let ṭhanmi cu Babilon ah khan an thi lai.

DANIEL 2:46

Khi tikah Siangpahrang Nebukhadnezzar cu a bawk i Daniel kha a biak i amah cu raithawinak le rimhmui khanghnak kha nan pekchanh lai, tiah nawl a pek hna.

1 SAMUEL 31:12

ralṭha vialte cu an tho i zan khuadei in an kal i Saul ruak le a fapa pathum hna an ruak kha Bethshan kulhnak vampang khan an va lak hna; cun Jabesh ah an ra phan i khika ah an khangh hna.