JEREMIAH 34:3 - Lai (Hakha) Common Language Bible 2006

³ A kut chungin na luat lai lo, tlaih na si hrimhrim lai i a kut chungah chanh na si hrimhrim lai. Amah cu hmaitonh tein na hmuh lai i nan pum hrimhrim in bia nan i ruah lai, cun Babilon ah na kal lai.

JEREMIAH 34:3 ပူးပေါင်းရင်းမြစ်များ

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 27:22

Babilon ah kalpi an si lai i ka auh ṭhan hna hlantiang khika ah an um lai, tiah Bawipa nih a ti; cun ka kirpi ṭhan hna lai i hi hmun ah hin ka chiah ṭhan hna lai, a ti fawn.

JEREMIAH 32:28

Cucaah hi khuapi cu Babilon siangpahrang Nebukhadnezzar le a ralkap hna sinah ka pek lai i annih nih an lak lai.

JEREMIAH 32:3

“Bawipa nih, ‘Hi khua hi Babilon siangpahrang sinah ka pek lai i a lak lai.

JEREMIAH 32:4

“Zedekiah Siangpahrang hi Babilon mi hna kut in a luat lai lo. Babilon siangpahrang sinah khan pek a si lai i amah cu hmaitonh tein a hmuh lai i a pum hrimhrim in a chawnh lai.

JEREMIAH 34:21

Judah siangpahrang Zedekiah le a bawi hna cu anmah thah a duhtu an ral hna sinah khan ka pek hna lai. Cun nanmah doh a ngol cangmi Babilon siangpahrang ralkapbu sinah khan annih cu ka sanh hna lai.

JEREMIAH 34:4

Maw Judah siangpahrang Zedekiah, Bawipa nih nangmah an cahmi bia cu thei rih tuah. A bia cu hihi a si: Vainam in na thi lai lo.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

JEREMIAH 38:18

Sihmanhsehlaw Babilon siangpahrang i a bawi hna sinah naa pek lo a si ahcun, hi khua hi Khaldi mi hna kut chungah pek a si lai i an khangh lai i nangmah zong an kut in na luat lai lo,” tiah a ti.

JEREMIAH 38:23

Na nupi vialte hna le na fale vialte hna cu Khaldi mi hna sinah hruai an si lai i nangmah hrimhrim zong an kut chungin na luat lai lo. Babilon siangpahrang nih an tlaih lai i hi khua hi mei in a khangh lai,” tiah a ti.

EZEKIEL 12:13

Sihmanhsehlaw ka sur in ka vorh lai i aa awh lai. Khaldi mi hna umnak Babilon ram ah khan, a hmu lai lo nain ka kalpi lai; cun khika ah khan a va thi lai.

EZEKIEL 17:15

Asinain Judah siangpahrang kha ral a tho i rang le ralkap tampi hal awkah Izipt ram ah khan lamkal a thlah hna. Cu bantuk mi cu a hlawh a tling kho hnga maw? Hi bantukin a tuah caah rawhnak cu a luat kho lai maw? Biakamnak kha hrawk in a luat kho hnga maw?

EZEKIEL 17:16

Ka nun bangin ka chim, tiah Bawipa nih a ti: Cu siangpahrang cu siangpahrang ṭhutdan cungah a ṭhuttertupa ram chungah khan a thi lai; bia aa kammi kha zei ah a rel lo i chiat aa serhmi a let ṭhanmi cu Babilon ah khan an thi lai.

EZEKIEL 21:25

“Miṭhalopa, mithianglopa, Israel mi uktu bawipa, nangmah dohnak ah dantatnak ni cu a ra cang.