JEREMIAH 34:22 - Lai (Hakha) Common Language Bible 2006

²² Keimah nih nawl ka pek hna lai i hi khuapi ah hin an ra kir ṭhan lai. An tuk lai, an lak lai i an khangh dih lai. Judah ram khua hna cu ahohmanh an um lonak thetse ram bantuk ah ka ser hna lai, tiah Bawipa nih a ti.

JEREMIAH 34:22 ပူးပေါင်းရင်းမြစ်များ

2 SAMUEL 16:11

Cun David nih Abishai le a sinum vialte cu, “Zohhmanh u, keimah ka fapa hrimhrim nih ka nunnak kha a ka kawl; cucaah hi Benjamin mi nih hin cun zeitluk tam in dah a ka kawl chinchin lai! Zei ti hmanh in ti hlah u, chiat cu ka serh ko seh; zeitintiah Bawipa nih pei a fial lai tiah.

2 SIANGPAHRANG 25:6

Cun siangpahrang cu an tlaih i Riblah khua ah Babilon siangpahrang sinah khan an ratpi i a cungah khan bia a rak khiah.

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

2 CHANRELNAK 36:17

Cucaah an tlangval hna cu an hmunthiang inn chungah khan vainam in a that i, tlangval cungah siseh, upa cungah siseh, zaangfahnak a ngei lomi, Khaldi mi siangpahrang kha an cungah a ratpi; a kut chungah cun an dihlak in a chanh hna.

ISAIAH 13:3

Bawipa nih a thin a phoktu kha tuk awkah a ralkap kha a kawh hna, cu a thiangmi raldohnak doh awkah cun aa zum ngaingaimi a ralkap, ral cu kanmah nih kan tei ṭheo lai tiah aa ruatmi ralkap pawl kha, a kawh hna.

ISAIAH 24:12

Khuapi cu a rawk i a kutka cu an baoh dih hna.

ISAIAH 37:26

“Hi thil vialte hi hlan piin keimah nih ka rak timh cangmi an si ti kha na thei bal lo maw? Atu cu ka tlinter cang hna. Kulhmi khua kha hnawmpon i ser khawhnak nawl cu kan pek.

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

ISAIAH 64:10

Na khua thiang hna cu thetse ram bantuk an si i Jerusalem cu a rawk i ṭiaotakmi khua a si.

JEREMIAH 2:15

Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

JEREMIAH 33:10

Bawipa nih hitihin a ti: “Nannih nih nan i thawh i, hi hmun cu a rawk cang, Judah ram khua chungah siseh, Jerusalem khua chungah siseh, mi siseh, saram siseh, an um ti lo. Pakpalawng ah a cang ko cang, mi zong an um ti lo, saram zong an um ti lo, nan ti.

JEREMIAH 34:2

Mah hihi Bawipa, Israel Pathian bia cu a si: “Va kal law Judah siangpahrang Zedekiah cu va chim, mah hihi Bawipa bia a si: Hi khua hi Babilon siangpahrang kut chungah ka pek lai i mei in a khangh lai.

JEREMIAH 38:23

Na nupi vialte hna le na fale vialte hna cu Khaldi mi hna sinah hruai an si lai i nangmah hrimhrim zong an kut chungin na luat lai lo. Babilon siangpahrang nih an tlaih lai i hi khua hi mei in a khangh lai,” tiah a ti.

JEREMIAH 39:8

Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

JEREMIAH 50:13

Bawipa thinhunnak ruangah Babilon ah cun ahohmanh an um lai lo, A ṭiao dih cikcekmi hmun a si ko lai; A pawng i a kalmi paoh cu an tuksa a purh hna lai i a cung i a tlungmi ruangah an khuaruah a har lai.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

JEREMIAH 52:7

Cun mah cucu Judah siangpahrang Zedekiah nih khan a hmuh tikah, hriamnam he amah a cawngtu vialte hna he khan khuachung cun zan ah an zam i siangpahrang dum pawng i a ummi kutka Vampang Pahnih Hna Karlak timi khan an chuak. Khaldi mi nih khuapi cu an kulh nain Arabah leiah khan an zam.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

ṬAHNAK HLA 1:1

Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

EZEKIEL 13:22

Miding mi cu an cungah ṭhat lonak tuah ka tim lo nain an lung nan donghter hna i cu bantuk ṭhiamṭhiam in miṭhalo mi hna cu an lam ṭhalo kha hlawt i khamh an si nakhnga tu si loin thazang nan pek lehlam hna;

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

MIKAH 7:13

Sihmanhsehlaw vawlei cu a cung i a ummi minung hna ṭhat lonak ruangah khan thetse ram ah a cang lai.

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

ZEKHARIAH 7:14

Cucaah an hngalh bal lomi miphun hna lakah ka dawi hna i an ram cu ṭiao relrul in an kaltak i pakhat hmanh an i chawk an i let ti lo. Cuticun an ram a nuam ngaimi cu pakpalawng ah an ser.

MATTHAI 22:7

Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.